小女兒給媽媽這樣的分享

我細個以為「契爺」和「契媽」是他們的名字...【即是以為他們名叫「何契爺」和「朱契媽」！】所以我響度諗，就咁叫佢哋個名好似好無禮貌咁，係咪應該叫佢哋「契爺叔叔」同埋「契媽姨姨」呢？

鋼琴與結他

每個人在人生中總會有不少遺憾，我其中的一個，就是沒有學懂過一種樂器。

爸爸年輕時曾經是中樂社的會長，各式各樣的中樂器都懂吹奏，甚至上過麗的呼聲的電台表演。在我的記憶中，還有他吹口琴和拉手風琴的影像。大哥除了懂得彈結他外，還懂得拉二胡和吹橫笛。二哥雖然只懂結他，但他曾經在社區中心的結他班任教過！四弟可算承繼了爸爸的衣缽，工餘的另一個身份是粵曲領班，常給他唱平喉的太太伴奏。此外，結他也難不到他。雖然我很少親耳聽幼弟彈結他，但我相信他和他太太都曾經是教會司他和司琴的中堅份子。

唯有我，我是家中五兄弟之中唯一不懂彈奏的一個。然而，音樂可算是我生命中其中一樣不能少的東西，是上帝給我們人類的寶貝兒！

今天給幼女買了支結他，因為學校要求每個學生都必須學一樣樂器。連同大女兒學了多年的鋼琴，現在竟然都在我家找到！我真希望我的遺憾，能由兩個女兒來補足。

God is good! God is soooooo Good!!!

Thank God for He is faithful and does not let us down. HH prayed hard for going back to KK's school and now her prayers are answered. Allelujah! And for me, time flies for having my 2 kids to be secondary students in the blink of eyes!

四號仔

小學女排代表隊成員四號，個子瘦削不高的小姑娘、左撇子、擅於左手叩殺。

HH the Hunter

KK the Killer

一家大細睇展覽

Alice(s) in the Wonderland?

中學校服

自從太太和兩個女兒有了Facebook帳戶之後，她們便常比我搶先將照片放上網，害得我常爭扎是否還要在這裡放多一次... 所以這趟要搶先她們！

暑假後大女兒正式升中一（time flies!），兩個小妮子急不及待要將中學夏季和體育校服試穿給我看。

大女兒有自己的新手機了！

明天跟太太參加KK的小學畢業禮，今天提早送她這份期待已久的畢業禮物：自己的手提電話！帶她一起去開台、選號碼、選手機、試用... 最後買了部Sony Ericsson Xperia X10 mini。大女兒心情靚絕，第一時間用手機上Facebook告訴她的好友。

有了自己的手電，代表她要自己自律地管理自己，怎樣有節制和正確地運用它。

KK @graduation ceremony

大女兒的小學畢業謝師宴

跟BFF合照，多幾張也無妨。

自助餐的食物很好味！

一起舉杯，祝大家前程錦繡！

餐後由三班六年級同學分別表演娛賓，女兒擔任自己班表演的開場介紹，倒算「淡定」。

表演圓滿結束，除了校長、班主任和老師們得到應有的褒揚外，還惹來了哄堂大笑！

來跟班主任拍個集體照。

每位參加家長皆獲增一個匙扣。這個以冬夏兩季校服為設計的意念不錯！讚！

又一個學期，又一個學年

呢輪寫少左野，因為濕濕碎碎既工作，加埋幾乎個個禮拜返大陸，仲有連續兩個Sundays都有家庭聚會，時間表都塞到滿滿咯！

前個禮拜同屋企人食完端午節飯，上個禮拜又慶祝父親節 + 媽媽八十大壽 + 大佬攞傑出校友！一家人四點鐘就開始殺上細佬響藍田既新居坐下，傍晚就三架車載哂所有人去九龍灣MegaBox吃晚飯，好熱鬧兼開心！

呢兩年影多左呢D比較casual既全家福，
呢張個個表情都唔錯，可惜人未到齊...

黎緊仲有好多同兩個女讀書有關既野排住隊黎：聽晚去大女既謝師宴、下個禮拜到佢小學畢業禮（唉！時間真係眨下眼咁快就過左！）、再下個禮拜公佈佢入唔入返自己間中學（暫時我同老婆都好老定）、跟住幫兩個女renew佢地既特區護照（話唔定暑假會去玩）、然後到家長日幫佢地攞埋將成績表，佢地就放暑假啦！

擒晚細女俾我睇佢張體能銀章證書，佢仲話攞左全班最高分喎！細女今年真係吐氣揚眉：唔單止運動上頻頻出風頭，連學科成績都突飛猛進，我同老婆對佢後年入唔入得返自己中學總算少左D壓力，但係就唔敢鬆懈逼佢溫習！

學期結束，我自己既教書兼職亦都可以竭一竭（即係黎緊暑假既收入又會少左！）。擒日收到個學生代表既email，邀請我去佢地響九月自己攪個謝師宴喎，以前未試過答應學生去，今次係第一次應承。

學期尾又照例會收到D學生sent俾我既刷鞋emails，叫做係錢都買唔到既回報（佢地D錯既英文我無改過），有心機就睇，無時間唔睇都唔拘：

【呢個學生個款似足我教會以前既牧師，但係自稱係個shallow student既咁樣寫】I am deeply appreciate your... inspiration offered to me/ us in the second semester.

It is definite that【the subject I taught】is one of the best subjects I experienced in the first year of [the programme name]. It means effective teaching method, via coherent and systemic curriculum, and sufficient amount of well prepared case studies lead me/ us to understand the scope of learning.

You are so good in thinking and writing, as mentioned by【佢另外一科既老師，當年就係呢位曾經都教過我既老師鼓勵我去讀碩士】.

Many thanks for your time and everything, take care.

【呢個代表埋自己班組員添】We would like share some comments to you as well,【the subject I taught】is the most hardest, most challenging and the most interesting subject in our year 1 semester 2.... We all gained much from the assignment and your class. We enjoy those case study seminars as well, which inspired and gave much hints and guideline to develop our project. Sure, if you can give more case studies and lectures in the class, we think we can reach more and more from there as well.

I found that almost all classmates learnt a lot new knowledges and presentation skills from the subjects... thank you so much for your teaching and sharing your design business experience with all of us. I am really enjoyable to take your lessons.

我早跟【叫我教呢科個課程主任】所言，你是我遇上的一眾tutor中，除了最優秀外，並且是最會照顧各學生需要的一位。【嘩！咁樣寫，真係有D毛管動！你估下佢係男定女？】

【跟住呢個最長篇大論】Thank you for your sharing and tutoring in class. I have learnt a lot and it has inspired me to continue learning in this area.

I learnt a lot from my classmate groups...【我最安慰聽到佢地咁講，我認為呢個先至係 classroom setting既最大好處，唔係淨係旨意我講哂】The tutorial classes also helped a lot in developing and improving. When we prepared the document and information, we would find it easy to not know what to do next. But after the tutorial, we would find out the direction to keep working on the project...

...I felt it helped me more looking around what happen next to me... In the final presentation class, it was so inspiring when I looked at what the other classmates did. I can see they all worked hard on their projects and I learnt a lot from each other.

Over all I learnt more then I expected from the course. I have new perspective on the news happen now. If the course could be longer, I would gain more knowledge and experience from it.

【the subject I taught】has given me something to reflect on with regards to my skill as a graphic designer. The presentation and the weekly classes gave me a big challenge to my creative thinking capability. I have learnt a lot on how to create and develop a social issue business, which was not I thought a designer could do. The course helped me have a different way of thinking in the daily life. Although the course exercises were much more difficult than I expected【其實係因為我滲左D我教Master科目D料落去，攪到班友哎哂救命，騎騎！】; I have enjoy and gained a lot experience from the process of working on a business project. I also enjoyed the class presentations and tutorials. Through discussion with my classmates, we learnt, shared and supported each during the course.

I am looking forward to taking the next step with new challenges in my study and work achievements.【嘩，乜我呢科咁勵志咩？哈！】

大女兒十二歲了！

這是大女兒小學生涯的最後一次生日，所以不能缺少邀請那些BFF同學回來喪玩一頓，或許當中某些到明年便不能再見的了也說不定！

Yo!

太太為她這次生日費盡心思，除了給她安排生日會外，還送上個SEVVA蛋糕...

和一本預備入讀中學的書給她作禮物。

HH奪金

上星期二專登請假睇兩個女參加自己學校既運動會，重頭戲係睇HH跑4 X 100米接力賽。由於今年佢俾老師揀左入校隊，幾乎朝朝早返到學校響上堂之前都會練下跑，又要我同佢周圍搵之後買左對有釘既童裝跑鞋俾佢，所以今次特登黎睇下佢可以跑出乜野成績。其實前排都同老婆應HH既要求去睇左佢參加校際100米，雖然個次佢無贏，但係都覺得佢跑得幾快。

叫完最後召集，四個小妮子已經換晒跑鞋準備出賽。睇真D，原來HH對鞋同人地既唔同款。

努力！必勝！我再同佢講，唔好犯上次參加校際時候既錯誤：掛住望人地，記住要專心向前盡力跑；咁樣跑就算贏唔到都唔會俾我話...

HH跑第二棒... 唉！好失敗——我講緊我！因為跑第二棒即係響運動場對面離看台最遠，我部相機就算有10X光學變焦都影唔到D乜，所以無相睇！係咪好失敗！？唯有用文字描述過大家知...

起步鎗聲一響，六條線既運動員即刻如箭彈出。HH接棒既時候，佢個隊大概跑二三啦... 點知枝棒交到HH手上，佢真係好似之箭咁標上黎，第一個將棒交俾第三棒既同學仔！到最後一棒既時候，佢個位同學可以話毫無壓力，我睇得出佢放慢左腳步都贏出起碼50公尺！

我響看台等到HH返埋黎既時候，都未出得切聲同佢講乜，其他家長（應該係同隊隊員既媽咪們）竟然搶先走埋佢度，搖住佢膊頭咁恭喜佢，並且讚佢話全靠佢跑得咁快，睇唔出四個隊員最矮係佢點知最快係佢... HH通常響呢種情況都唔會無晒儀態，只係好斯文咁報以微笑... HH，叻女！老豆我今勻有晒光采呀！

運動會圓滿結束，HH輕鬆坐響度等攞獎。

企響冠軍台上接受嘉賓頒獎...

...然後黎張合照。

好滿足咁揸住個金牌影番張相（我講緊我！）

擒晚一家人食團年飯，勁有攞牌經驗既孖堂家姐話，原來響4 X 100裡面，四個人跑得最快既通常會被安排跑第二棒咁話wor！

陪公主讀書（因為我無太子）

早早便從忙碌的工作時間表中騰出了幾天時間，自上星期三起請了假全時間留在家中幫助和督促兩個女兒溫習，陪她們經過由上星期四開始的四天考試，過程不比白天上班輕鬆呢！但能有幾天時間跟她們一起，也著實是「苦中一點甜」！

中英數常四科至今早考畢，從電話的另一端傳來妹妹的聲音，輕鬆心情和把握都不難聽得出來，相信在未來數天兩個女兒便會陸續回來告訴我們考得甚麼成績，且看我花的時間是否值得了...

妹妹的中文作文測驗

上個禮拜尾同今個禮拜頭兩日，係我兩公婆既惡夢期，因為係兩個女測驗既日子，放左工食完飯必定要捉住佢地溫習。哦佢地、氹佢地、逼佢地、利誘佢地、鬧佢地... 乜橋都出齊。

妹妹唔同家姐，不嬲都好難坐定定，佢唔單止出人意表既主意特別多，運動仲好醒添：俾老師揀左入田徑、劍擊、同埋乒乓隊。但係佢既中英數常四個主要學科就認真危危乎，老婆成日擔心佢第日會升唔番自己間中學，同家姐分開... 上面我話係惡夢，係因為周不時我地用盡百般智慧都幫唔到佢，反而被佢激到失控之後對佢又打又鬧，攪到佢成泡眼淚，淚流滿面之後先入房訓覺，我地兩個就要坐低透過禱告將佢交俾上帝，老婆又或者會因為咁無晒辦法，為佢祈禱祈到喊... 個種無奈同激心既感覺真係好難用筆墨形容。

擒日學校派番份卷，妹妹份中文作文卷條題目係咁既：

在你遇到困難時，誰曾經幫助你，令你非常感激她/他呢？請你寫一篇不少於150字的短文，記述這一件事情。〔條題目值20分，限時卅分鐘完成〕

妹妹作左篇文係咁樣寫：（放心，已經正式獲得妹妹授權刊登。）

　　我最感激的人就是我的家人，為甚麼我會感激他們呢？我告訴你吧！

　　首先，我感激的是我的姊姊，因為她會？〔呢度空左一個字位，佢應該係想寫個「教」字〕我做功課，也會幫我溫習。

　　第二，我要感激的是我媽媽，因為她上班，？〔呢度又空左一個字位，應該係想寫個「賺」字〕錢，我和姊姊才能讀到〔跟住呢度佢寫左學校個全名，成十二個字咁長！〕小學。

　　第三，我要感激的是爸爸，爸爸最特別，為甚麼？因為爸爸下班大約是十時十分，但爸爸想睡覺的時候，他都不會睡。因為他教〔咦，呢度又識寫個「教」字wor...〕我做很難的題目。有時他會罵我，也會用籐條來打我，但我知道為甚麼要這樣做，因為他疼愛我。

　　我真的感激姊姊、媽媽和我愛的爸爸。

好，大家認為應該俾幾多分佢呢？俾你諗一陣...（有意見既不妨寫低閣下既comments）

老師俾幾多分我唔開估住，但係我估佢俾既分數係根據以下既諗法：

「車！第一段明顯係妳慣用既「軛」字數招式；另外我叫妳寫一個人一件事，妳就寫三個人同三件事，題目都答得唔準，點俾高分妳嗟！？」

至於我... 等我用我慣用既觀察＞分析approach黎評分：

(1) Going beyond：老師叫寫一個人一件事，妹妹就寫夠三個人同三件事，正正就唔係我地話D學生成日淨係識做夠就算，唔會做多D，going beyond老師既要求，俾D surprise老師，係值得讚固wor！諗下第日佢出黎社會做野，老細叫做一，阿甲就只係做一，唔會諗下一步，阿乙就做定埋第二，諗定第三；你係老細你會請邊個？

(2) 有結構有層次：作為一篇完整既文章，層次同結構都好重要，而妹妹呢篇就贏晒。第一段唔係「軛」字數，係引言。我地點可以當睇篇文既人知到條題目係乜呢？試諗下篇文如果無第一段會點？引言之後既三段，妹妹多謝既人，由細至大、由年紀細至年紀大、由女到男、由佢見面最多到最少、由外在到內在、由微觀既實際層次（做功課）到宏觀D既實用兼政治正確到不得了既擦鞋層次（有錢讀到老師妳呢間學校），再到窩心到絕頂既心靈層次（老豆既督責反映出佢背後對自己既「愛」（最後呢個字加D回音，唔該！））... 最後一段齋用一句，就能夠俾呢三個層次再黎conclude一次，亦係我認為最「正」既層次感就響呢句個度：由頭兩個「感激」，推演到第三個「愛」呢下野！妹妹，爹D佩服到五體投地！無野講！哈哈！

喂！卅分鍾寫到篇咁既文，仲想點呀！？

妹妹，爹D俾妳90分jet（妳有兩個字唔識寫，所以要扣少少），另外加送一啖... 啜！〔響正常情況，妹妹會即刻出橋手，打橫放正響我條頸喉核個位，隔開我伸到長一長兼帶少少口氣既咀錫埋佢度...〕

大女兒對管教的看法

這陣子在教會跟其他父母們討論著管教兒女的問題。我在上月用錄像訪問了廿多個弟兄姊妹，年長至女兒已經廿來歲的父親、十多歲自少給打大的少年人、六歲小孩子和她們的父母、到剛為人父數個月的都有。他們對仗打兒女的看法，有贊成也有反對的。至於我女兒，早在二月的時候她已經寫下來了：

《我的感想》

孩子們要記住，父母責罵我們是因為他們疼愛我們。他們不斷努力地教導我們，希望我們的前途會變得光明。天父也是一樣，但他不單教導我們，他還會教導我們的父母怎樣去教導下一代。各位孩子們，希望你們會有完美的靈命！

KK's 11th birthday