Sunday, February 18, 2007

祝豬年恩典福氣滾滾來

週五下班,匆匆回家,為的是要把握狗年最後一天多的時間,將翻修完的家執拾,好迎接新年來到。搬回家一個月了,才將影音系統接駁妥檔,我跟兩個女兒又再有音樂聽,有環迴音效的電影可欣賞了!

客廳的深啡色牆將會用來掛個鐘、一些畫或圖片等,可惜豬年來到還未選得心頭好...

今晚在這個set好了的客廳看著《恩雨之聲》農曆新年專輯,看見患上栢金遜病症的許道宏牧師,說我們在神裡面恩典總是比任何東西都多,我們怎可以向神說只要恩典不要苦難!?上帝啊,謝謝你給你的羊這樣的一個僕人!

最後,由我兩個女兒給各位來個新年祝願:「恭喜發財,龍馬精神!」

Labels:

Monday, February 12, 2007

病好做過乜

上個blog講到上個禮拜二手震腳震返番工同教書...

禮拜三日頭返工,夜晚教書。

禮拜四繼續返工。九點幾返屋企食完晚飯梳洗完十二點起再開一陣夜,皆因要預備禮拜六一個公開講座。

禮拜五晚響團契帶左個文章分享既週會,討論後現代既X-generation。(對個週會有咩意見都可以響度comment。)十點幾同弟兄姊妹三扒兩撥叫做食埋個晚飯拿拿臨返屋企,梳洗完十二點又一樣再開一陣夜,為禮拜六晨早既講座作最後衝刺。呢個年紀唔係以前,兩晚夜訓少少已經足以令我個頭開始痛。

禮拜六朝早8:30老細接埋我到九龍塘InnoCentre(估唔到第一次去呢度就係講talk!),兩個人conduct個seminar由朝早9:30直到下晝4:00+。人少少既講座除左我同老細講之外仲有傾偈時間,反應算唔錯,但係咁樣直踩你都咪話唔攰!返到屋企附近買左兩件裝麥記脆香雞翼補下個五藏廟,食完即刻上床訓番陣,補番前兩晚唔夠既訓。矇矇矓矓... 岩岩訓著老婆就叫我起身食晚飯勒!

一路食晚飯一路睇《爭霸》大結局,可以話係一家人近幾個禮拜最休悠既時刻!睇住馬德鐘點樣變左披頭散髮(其實幾型吖!)、問西施到底有無愛過佢(演得算係咁啦!記憶中佢應該未試過做得咁好勒);睇住劉松仁點樣變衰、為左面子借D二誅殺自己人... 唉!臥燊嚐膽既勾踐原來反影左唔少中國歷史既悲哀!

咪以為食完飯睇完電視可以輕鬆bor,一家四口加埋菲傭即刻要開工unpack成個禮拜都無郁過既行理:細路執拾玩具、老婆同菲傭執立雜野、我就執影音有關既野... 攪到半夜成三點先訓!

禮拜日晚會合家人食團年飯之前諗住幫個大女買過對已經殘晒既波鞋,點知揀極都揀唔岩,反而買左對高筒既Converse All Star俾個細女,佢異常興奮,乜病都好番晒啦!

Labels:

Tuesday, February 06, 2007

臥病在床

這兩天學曉一個新的醫學名詞,是gastroenteritis(天啊,怎麼醫學名詞都是那麼難讀的!?可以按這裡聽一聽),即「腸胃炎」。

臥病在床,莫說執拾家居,連碰一下電腦、檢查一下電郵的意欲都減至零。醫生給了我一天病假,感冒的感覺沒有了、嘔吐給止住了、然後到頻頻上廁所去,吃的都是淡而無味的白粥和通心粉,為的是不叫肚子受罪。可是要我這已經瘦骨嶙峋的個子還來個大節食,肚子都變得凹陷下去了!難怪今早硬著上班時手腳還在顫糾。

請容我ablogaweek再請請病假吧!謝過各方的問候,暖在心頭,不勝感激!

Labels: