再下一城！

「再」的意思是：又是我的學生拿冠軍！我的四個學生，組成Oops!，擲下今年香港社會企業挑戰賽的冠軍，延續了我去年的快慰！感恩！

延伸閱讀：
有關Oops! Upcycling的介紹

《上帝無計》

（即慶寫了這首廣東Rap歌）

上帝擁有無限，無論點計都有賺；
約翰話有神嘅兒子就有生命無限，我地點樣想像都唔會慣；
今世都未識計，又點樣計來世？

唔駛計較斤斤，只管睇下耶穌點道成肉身；
至高神嘅兒子竟然肯虛己從天上嚟到凡間，
無權無勢無枕首處唔淨止，被釘十架時仲被人攞埋件衫；

原來為嘅係我呢個絕頂自我中心、兼且犯緊罪嘅人，
問我到底做過乜，耶穌咁做係咪值得？
我唔單止O哂咀，仲喪氣把頭垂；
我乜理由都攞唔到出嚟話耶穌咁做係應該，
我乜理由都攞唔到出嚟去換耶穌為我捨己嘅大愛！