Friday, October 30, 2009

妹妹的中文作文測驗


上個禮拜尾同今個禮拜頭兩日,係我兩公婆既惡夢期,因為係兩個女測驗既日子,放左工食完飯必定要捉住佢地溫習。哦佢地、氹佢地、逼佢地、利誘佢地、鬧佢地... 乜橋都出齊。

妹妹唔同家姐,不嬲都好難坐定定,佢唔單止出人意表既主意特別多,運動仲好醒添:俾老師揀左入田徑、劍擊、同埋乒乓隊。但係佢既中英數常四個主要學科就認真危危乎,老婆成日擔心佢第日會升唔番自己間中學,同家姐分開... 上面我話係惡夢,係因為周不時我地用盡百般智慧都幫唔到佢,反而被佢激到失控之後對佢又打又鬧,攪到佢成泡眼淚,淚流滿面之後先入房訓覺,我地兩個就要坐低透過禱告將佢交俾上帝,老婆又或者會因為咁無晒辦法,為佢祈禱祈到喊... 個種無奈同激心既感覺真係好難用筆墨形容。

擒日學校派番份卷,妹妹份中文作文卷條題目係咁既:
在你遇到困難時,誰曾經幫助你,令你非常感激她/他呢?請你寫一篇不少於150字的短文,記述這一件事情。〔條題目值20分,限時卅分鐘完成〕
妹妹作左篇文係咁樣寫:(放心,已經正式獲得妹妹授權刊登。)
  我最感激的人就是我的家人,為甚麼我會感激他們呢?我告訴你吧!

  首先,我感激的是我的姊姊,因為她會?
〔呢度空左一個字位,佢應該係想寫個「教」字〕我做功課,也會幫我溫習。

  第二,我要感激的是我媽媽,因為她上班,?
〔呢度又空左一個字位,應該係想寫個「賺」字〕錢,我和姊姊才能讀到〔跟住呢度佢寫左學校個全名,成十二個字咁長!〕小學。

  第三,我要感激的是爸爸,爸爸最特別,為甚麼?因為爸爸下班大約是十時十分,但爸爸想睡覺的時候,他都不會睡。因為他教
〔咦,呢度又識寫個「教」字wor...〕我做很難的題目。有時他會罵我,也會用籐條來打我,但我知道為甚麼要這樣做,因為他疼愛我。

  我真的感激姊姊、媽媽和我愛的爸爸。

好,大家認為應該俾幾多分佢呢?俾你諗一陣...(有意見既不妨寫低閣下既comments)

老師俾幾多分我唔開估住,但係我估佢俾既分數係根據以下既諗法:

「車!第一段明顯係妳慣用既「軛」字數招式;另外我叫妳寫一個人一件事,妳就寫三個人同三件事,題目都答得唔準,點俾高分妳嗟!?」

至於我... 等我用我慣用既觀察>分析approach黎評分:

(1) Going beyond:老師叫寫一個人一件事,妹妹就寫夠三個人同三件事,正正就唔係我地話D學生成日淨係識做夠就算,唔會做多D,going beyond老師既要求,俾D surprise老師,係值得讚固wor!諗下第日佢出黎社會做野,老細叫做一,阿甲就只係做一,唔會諗下一步,阿乙就做定埋第二,諗定第三;你係老細你會請邊個?

(2) 有結構有層次作為一篇完整既文章,層次同結構都好重要,而妹妹呢篇就贏晒。第一段唔係「軛」字數,係引言。我地點可以當睇篇文既人知到條題目係乜呢?試諗下篇文如果無第一段會點?引言之後既三段,妹妹多謝既人,由細至大、由年紀細至年紀大、由女到男、由佢見面最多到最少、由外在到內在、由微觀既實際層次(做功課)到宏觀D既實用兼政治正確到不得了既擦鞋層次(有錢讀到老師妳呢間學校),再到窩心到絕頂既心靈層次(老豆既督責反映出佢背後對自己既「愛」(最後呢個字加D回音,唔該!))... 最後一段齋用一句,就能夠俾呢三個層次再黎conclude一次,亦係我認為最「正」既層次感就響呢句個度:由頭兩個「感激」,推演到第三個「愛」呢下野!妹妹,爹D佩服到五體投地!無野講!哈哈!

喂!卅分鍾寫到篇咁既文,仲想點呀!?

妹妹,爹D俾妳90分jet(妳有兩個字唔識寫,所以要扣少少),另外加送一啖... 啜!〔響正常情況,妹妹會即刻出橋手,打橫放正響我條頸喉核個位,隔開我伸到長一長兼帶少少口氣既咀錫埋佢度...〕

Labels: , ,

Thursday, October 29, 2009

Helsinki-London-Rovaniemi Days 更新了!

早陣子因為感冒加上氣管敏感,吃了西藥變得無心無力整理歐遊的照片,又怕因此阻礙自己寫新的東西,所以都以後加的方式陸續更新。今天更新了兩張照片和在第七天劍橋一天遊的旅程。Enjoy!

2009-09-08 提早適應時差
2009-09-08 Day 1, Helsinki: Just arrived
2009-09-10 Day 2&3, Helsinki: 兩個工作日
2009-09-11 Day 4&5, Helsinki: 兩座教堂
2009-09-12 Day 4&5, Helsinki: 兩個人同行
2009-09-17 Day 6-10, London: 兩個無奈
2009-09-15 Day 7, Cambridge: 兩點印象

預告:從英國的倫敦返回芬蘭的赫爾辛基,我跟太太便直接北上,向著北極圈進發...

Labels:

Friday, October 23, 2009

Misty harbour

Taken with my iPhone in the afternoon when I had lunch at TST Star Ferry. I like the silhouette but don't like the meaning implied.

Labels:

Sunday, October 18, 2009

有味賀禮

女兒的堂姊姊受浸,兩個女兒親自下廚,給堂姊姊做了迷你疍糕作賀禮!

正中的一件是個彩色心,串起是「Jesus "loves" Annie」:連堂姊姊的孖生姊姊也有份呢!

我拿了些剩下來沒有字母的吃過,味道不錯呢!

Labels:

Saturday, October 17, 2009

Church planning retreat

This is where we stayed.

Great day and night views from the balcony in our rooms.

Time of silence and contemplation...

Taking a break.

Pastors, deacons and leaders...

also dear brothers & sisters in the Lord, of course.

P.S. Thanks BigHead for praying for us. No matter I could see it or not, I believed the Holy Spirit did work among us.

Labels:

Friday, October 16, 2009

Shine upon us, Lord!

《Shine upon us》
曲、詞:關淑貞


沉醉於自我的一角,努力地覓快樂,
但總發覺仍會失落,徒然努力虛空飄泊,
人生若欠方向指引全憑感覺,如木偶給操控的空軀殼。

何以當罪裡的主角,悔恨地待閉幕,
何竟不懂順服聽從,常常放任使主心痛,
求主亮照心中黑暗冷淡和冰凍,容讓主的真愛湧流我心中。

Oh let your face shine upon us,
願你光照我們,求剔出污穢這生命全讓你掌管。

Oh let us shine unto all nations,
願作光照亮人,傳頌見証你的深恩,能令世界得知你道路並救恩。

Oh let your face shine upon us,
是你光照我們,求主更新我這生命燃亮倍增。

願我一生靠著父神並作光照亮人,
願這福音遍達萬民,求讓主的真光普照指引。

【註:版權屬「音樂2000有限公司」所有】

每年都會照樣給教會的工作計劃,假若單單是自己的想法,那有甚麼意思呢?願上帝光照一班他的用人,讓我們看得見、對得準、計劃得妥當、既有內容又有方法、讓弟兄姊妹都有異象、也有所依。阿們。

【註:這幀照片是在中秋節探爸媽那天在他們家附近拍的,終於找到放上來的借口。】

Labels: , ,

Monday, October 12, 2009

25年前...

25年前今天,我鼓起勇氣,將要說的說了出口...

25年後今天,我們已經是有了兩個女兒的一對。

謝謝妳接受了我!

Labels: ,

Saturday, October 03, 2009

Raise the lanterns

都係hold住芬蘭渣相,寫左中秋先。

上個星期日因為大女確診甲型流感要隔離,自己又感冒咳緊,所以無同阿爸阿媽同埋屋企人一齊食飯做節。(話時話,我去完旅行返黎咁耐都無見過佢地,阿媽黎睇我我又返左工!)今日見中秋正日,食完晏一於殺入西貢探佢地。(我鐘意次次唔預先話俾阿媽聽我地入去探佢地,係唔想佢要花時間整呢樣個樣。)

帶埋倫敦同芬蘭D相俾老豆睇完,阿媽話不如一齊出街食,佢請!六個人,兩個年過八十、兩個肉都唔多舊既細路女,個四人套餐都食剩好多。最後我成功搶左黎俾錢。

以為食完飯可以返歸,點知仲有下文:大佬帶埋大嫂、細女同佢地隻狗吃完飯又話要入黎西貢探阿爸阿媽。見到阿媽好開心咁熱鬧,lor左一大渣燈籠出黎掛起佢。D燈籠全部都係我細細個玩個D、最傳統要點蠟燭個D紙摺燈籠。阿媽將D燈籠掛起一排,唔駛諗拿拿臨lor部相機出黎...

有燈籠、有月餅(不過我仲未敢食!)、有明月、有至愛既家人們、而家有埋靚相(因為我覺得人既笑臉係最靚既)!

Labels: