作住感冒返工

唉！我知今日大部份人都唔係好想一早響個被竇度趷起身返工，但係人人都全面覆工，你夠膽唔返咩？

唔係喎！我有D作感冒喎！全身有D骨痛，喉嚨又痕，個唔返工既理由係咪強D？

你就想，晏晝分分鐘仲要去深圳開會呀...

哎吔！寫左自己作感冒，我阿爸（即係IT爺爺）一陣見到講俾阿媽聽，又會打電話黎問長問短，叫我去睇醫生架啦... 阿爸阿媽，我無野，不過想搵D野黎講，達到我即時更新既目的啫！

咳~ 咳~ 咳！阿爸阿媽，我無~ 咳~ 野..

-----
3:00 pm 啟程往深圳開會去...

-----
6:00 pm 響深圳開完會 > 響皇崗過關 > 坐跨境快線 > 灣仔 > 坐巴士返到屋企已經係8:00 pm!

兩隻腕錶

右邊白色皮帶金色殼的一隻是我在去年情人節送給太太的禮物，可是她幾乎沒有戴過一次。她還是一直戴著我很多年前送給她的另一隻。

左邊鋼帶銀色的一隻則是今年情人節（也就是農曆年初一）送給她的，是隻自動的機械錶。我早知她會投訴錶面的設計會令她很難看時間，並且她一向不喜歡鋼錶帶，說怕夾著她的玉手（還是肉手？）...

但她已經不好意思再不戴我送給她的這隻腕錶，這幾天都勉為其難的一直戴著。我有信心她會繼續戴下去...

妳能從兩隻腕錶，看得出我們兩夫婦的感情和相處之道嗎？


P.S. 其實今年我還送了兩隻腕錶給我另外兩個「情人」：兩個女兒是也！

用Blogger做live update

睇下點？

就快放工啦！一陣返團契。Like!

Live update from my iPhone

初四啟市

連續兩日響office都係一個人做野，老細同事全部唔見人（佢地話自己放假wor...），好舒服！

鍾意返工唔駛塞車、鍾意唔駛同人摩肩接踵、鍾意做野可以他他條條（雖然無論公定係私個to-do list都係長癩癩）、鍾意多D時間食飯（甚至可以過海同老婆撐檯腳）、鍾意可以早D收工返屋企（一樣唔駛塞車）。諗起上黎呢個禮拜既contrast都幾大：頭三日家庭聚會熱熱鬧鬧，後三日就solo慢活！

咁係咪多左時間寫blog？Mmm... 諗緊... 不過見到個個Blogger行家逐個migrate晒去Facebook，之後又唔係響個度寫好多serious既野，多數都係俾你見到佢響度打機、add左邊個friend、tag下相、㩒下個Like、同埋update下家陣乜野心情...

講起Facebook可以即時update自己既status，諗起兩樣野：

第一樣係一個老婆聽收音機轉述返黎既真人真事：話有個鬼婆媽咪同佢個一歲多D既BB響屋企個泳池邊休息，BB一面玩，佢就揸住部laptop上網，好專注咁玩緊Facebook。突然間個BB跌左落水，媽咪見狀，即刻響Facebook度打「OMG! My baby fell into the pool!」（OMG係Oh my God既簡寫）然後先起身去救佢個BB！

第二樣係諗緊響Blogger可以點樣做相似Facebook或者Twitter既強項：快速而短小精焊既即時更新。我當然知Blogger不嬲都有個Blogger on the Go功能，我可以求其寫句「享受一個人在office的日子... Like!」就當係一篇blog，但係唔想亂咁谷大個archive，裡面大部份都係無乜保留價值既短句。

創意思維大師Edward de Bono話過：「...the human brain is designed to be non-creative. ...the brain is designed to make stable patterns [based on one's experience] for dealing with a stable universe. We identify the pattern and then use it.」(2005) 成件事講緊人類既adaptability，係上天所賜既禮物。有人見件工具唔岩自己用，會重新設計過件新既工具去就自己做野，但係有人就選擇自己去遷就件工具。我身為一個左撇子就最明白架啦...

要學人地live update，唔想用新既工具，既唔想做Facebook user更唔想新註冊Twitter，有乜偈呢？所以由今日起，我會試下咁做：我會不時響mosawsisi呢度用blog黎做live update，一個可能性係將呢D updates累積成一篇當日既blog，或者將篇blog限制係短句，不過你隔一陣上黎會見到我個幾句說話會轉左，舊既唔keep，咁Blogger既archive就可以唔駛無無謂謂咁變大。

就咁啦，睇下點...

Painting with light

初三晚家庭聚會至晚上十一時半才回家，太太建議趁大家還未換衣服，不如拍點新年全家福。

告訴了大女兒會用較低的ISO和較慢的快門（為要減少雜訊），她連忙「玩嘢」，在曝光時把舌頭伸出來！

全家福拍過了，兩個小妮子的興緻反而被挑起來，睡意也全被驅走了！她們立即拿出電筒來，嚷著要攪攪新意思，並要求我要用更慢的快門...

起初是將電筒亂揮...

最後經爸爸指點，妹妹在姊姊背後劃出三個心形！Good work, HH!

虎年初一

帶著喉痛和咳嗽進入虎年... 謝謝二哥和一樓一的賀年短訊！

大女兒肖虎，對首次過虎年顯得特別興奮。

整裝待發，每年大年初一早上起程往西貢到爺爺嬤嬤家拜年之前，都會在家拍照...

開年飯後拍一張全家福已經成為我家每年的傳統，但今年的這張全家福跟往年的最少有三個不同：一是在屋內拍，因為外面下著細雨；二是今年多了兩名成員：爺爺嬤嬤添了一名男孫，大哥家裡則添了一頭狗，兩個都一樣乖！

既然多了一名男孫，就要來一張陳先生合照（注意相片中唯一女士媽媽有仔萬事足的表情）...

和爺孫隔代合照。

陳太和陳小姐們都沒有變，太太在家裡插的年花也和往年差不多，所以照片都不放上來了。

順祝二哥、一樓一並各位：
順境中 ~ 虎躍龍騰 !
逆境中 ~ 虎中一點甜！
健康上 ~ 虎虎生威！
屬靈上 ~ 降龍伏虎，靠著基督連連得勝！

HH奪金

上星期二專登請假睇兩個女參加自己學校既運動會，重頭戲係睇HH跑4 X 100米接力賽。由於今年佢俾老師揀左入校隊，幾乎朝朝早返到學校響上堂之前都會練下跑，又要我同佢周圍搵之後買左對有釘既童裝跑鞋俾佢，所以今次特登黎睇下佢可以跑出乜野成績。其實前排都同老婆應HH既要求去睇左佢參加校際100米，雖然個次佢無贏，但係都覺得佢跑得幾快。

叫完最後召集，四個小妮子已經換晒跑鞋準備出賽。睇真D，原來HH對鞋同人地既唔同款。

努力！必勝！我再同佢講，唔好犯上次參加校際時候既錯誤：掛住望人地，記住要專心向前盡力跑；咁樣跑就算贏唔到都唔會俾我話...

HH跑第二棒... 唉！好失敗——我講緊我！因為跑第二棒即係響運動場對面離看台最遠，我部相機就算有10X光學變焦都影唔到D乜，所以無相睇！係咪好失敗！？唯有用文字描述過大家知...

起步鎗聲一響，六條線既運動員即刻如箭彈出。HH接棒既時候，佢個隊大概跑二三啦... 點知枝棒交到HH手上，佢真係好似之箭咁標上黎，第一個將棒交俾第三棒既同學仔！到最後一棒既時候，佢個位同學可以話毫無壓力，我睇得出佢放慢左腳步都贏出起碼50公尺！

我響看台等到HH返埋黎既時候，都未出得切聲同佢講乜，其他家長（應該係同隊隊員既媽咪們）竟然搶先走埋佢度，搖住佢膊頭咁恭喜佢，並且讚佢話全靠佢跑得咁快，睇唔出四個隊員最矮係佢點知最快係佢... HH通常響呢種情況都唔會無晒儀態，只係好斯文咁報以微笑... HH，叻女！老豆我今勻有晒光采呀！

運動會圓滿結束，HH輕鬆坐響度等攞獎。

企響冠軍台上接受嘉賓頒獎...

...然後黎張合照。

好滿足咁揸住個金牌影番張相（我講緊我！）

擒晚一家人食團年飯，勁有攞牌經驗既孖堂家姐話，原來響4 X 100裡面，四個人跑得最快既通常會被安排跑第二棒咁話wor！