意外獲獎加強版

兩個女參加左「暑期聖經班」，崇拜後舉行隆而重之既畢業禮...

同靚靚校長小丸子影張相先。

跟住落黎頒發「最佳學習精神獎」，老師傻女姐姐話得獎既係姓陳既...

傻女姐姐：「陳...允...」

祈祈（設計對白）：「下？我又lor獎？」（可能全人類都係咁諗...）

留意坐響遠處既禧禧仲係一臉天真既笑容，
雖然講左兩個字，都無諗會過係自己...

傻女姐姐：「陳...允... 禧！」
禧禧個腦一片空白...

「禧」出望外！

起身上台啦喂！我當時即刻想睇埋老婆既反應係點，點知佢行開左，真係可惜勒！

學校長久以黎都已經訓練落架勒：lor獎還lor獎，但係唔好開心到失晒儀態...

仲未敢相信lor獎既唔係家姐，係自己...
妹妹，妳勇於嘗試既精神卒之受獲得肯定啦！

妹妹後感：「好開心呀！我咁大個都未lor過咁大既獎架！」（個獎可能其實唔係咁大，但係對佢黎講個陣象大，個驚喜仲大。）

-----
我響頒獎前約半個鐘知道妹妹爆冷lor獎，所以我知佢一定會好surprise，所以一早將個相機轉用movie mode影低佢既反應。越睇段片越似電視個D金曲頒獎禮，公報賽果個刻好殘忍。我都估到家姐會自以為會得獎，希望佢失望之餘適得諗下點解自己lor唔到，同埋識學下戥人地開心。