執一執個擋口

完成左300篇blogs，順便執一執個擋口...

右手sidebar呢邊加多左個欄目：「Entries with more comments 有較多回應的文章」，將有超過十個comments既entries都放左響度。

前一排諗緊取消個blog個標題既上半句「Write a blog a day」，齋叫「Indulge in my days」（陶醉響自己既日子）算數，因為自己做唔到上半句（兩年半post左300篇，平均三日零先一篇）麻！不過唔知點解仲未下到決心，加上奇妙魚腥話唔駛delete咁話，所以都係keep住先。

300篇鐘意邊篇，歡迎繼續俾意見，我會諗下加埋落「Highlights 精選文章」度，謝謝！

第300篇網誌：太太床邊櫃案頭的東西

似是故人來

跟教授老闆在週六和週日連續兩天主理了超過十三小時的MBA選修科課堂，小休了半天，今日下午又開始另一個BA programme的新一學期中的一科「實驗工作坊」，往後每逢週一下午二至五和七至十，日夜校兩班共六個小時的課堂又等著要來了。

吃過晚飯，準備開始晚上的一課。蒲踏進課室，嚇然看見一張久違了的臉孔，他是我的老同窗R君！

說他是老同窗，因為他是我廿多年前念設計的同屆同學，他念產品設計，我念平面傳達（graphic communications）設計。R君個子魁梧、多數時候都目無表情、沉默寡言，就是開口說話，聲音也是蠻低沉的。他愛穿深沉色軍服（有時甚至穿上軍靴！），走路像個機械人。今晚重遇他，髮尾還多了一條不長不短的辮子！聽我的描繪，你大概也很難想像我這瘦皮猴般的高挑四眼書生，怎麼也難跟他拉在一起吧！然而，我們從讀書到工作，都合作了很多很多次：

念書時我們在設計學生報合作科幻間諜連載漫畫，可惜故事還沒有完我們便畢業了...

暑假時我們同在《海豹叢書》當暑期工，你能想像他這麼macho的大塊頭在畫《小甜甜》的爆笑樣子嗎？

從前念設計和從事設計都幾乎是全「手作」的，畢業後我們不約而同都接觸到Apple Macintosh電腦，決意在蘋果這平台上以全桌上出版的技術合寫了我這生人第一本（也可能是最後一本）書，也是香港第一本以中文寫成有關Apple Macs的《Macintosh入門淺談》，初嘗自資出版的滋味，那是1991年的事。

我們再接再勵，合創全港首本Macintosh專題的中文雜誌《學Mac》。我由創刊開始只參與了首三期的出版，R君則繼續苦心經營，兼且風格另類，吸引了一大批英文不太好的Mac用戶和設計人追捧。當時談Mac的雜誌就只有官腔頂透的HK Macintosh User Group出版、薄薄的英文雜誌《MacConnection》，對香港很多英文水平不高的設計人（傳統上讀書不成的人才會去念設計的）來說，就是沒有甚麼門路去交換用Mac心得或尋求技術支援。我敢說，R君創辦的《學Mac》，直接帶起香港90年代Mac界曾經出現的中文出版熱，包括《桌上時代》、台灣的中文版Macworld《麥客情報》和日本《MacPower》中文版登陸香港等。

Those were the good old days...

我知道後來R君醉心三維軟件，除了繼續出版Mac軟件的書籍之外，聽說更當上三維動畫軟件AnimationMaster的香港代理、和在設計學院任教有關科目... 想不到今天重遇R君，居然會是在班房裡。他除了頭上多了幾條白髮，外型倒沒多大改變，比起同班大多數廿來卅歲的「同學仔」，成熟得來我仍感到他仍有一份含蓄的創新熱火。

我相信R君依然是昔日的R君，只是應該比從前更精鍊更成熟吧！？R君，我期望看你在這個「實驗工作坊」弄一些精采的東西出來！

戴住頂帽玩自拍

嗱！咪話我成日響處寫埋晒D肉麻野，上一篇blog已經披露左少少我同老婆其實都有唔少意見唔岩既野。今次講多一樣過你地聽啦：

自從響山頂阿甘餐廳旁邊間souvenir shop買左頂cap帽，我就響唔同場合戴住佢見人，覺得自己有型左、似設計人多左、白頭髮俾頂帽遮住就連自信心都多左！點鬼知老婆同兩個女都話我戴左頂帽似阿伯多D、唔好睇、好唔鍾意、戴到D頭髮扁tet tet、又同D衫唔襯、我老豆戴得仲好睇過我... 其他人意見可能都係一樣，只不過唔好意思出聲都未定。不過我就一於少理，響佢地睇唔到既場合，加埋天氣凍凍地就一於照戴可也。朝早洗完頭返工，D頭髮無吹乾透，戴住頂帽遮下寒風同巴士個冷氣風口都好格！

揸住新買既相機自拍完，響電腦上面flip翻個mirror image，呢兩幅就係小弟最latest既self portraits！

其實我面對咁大既輿論壓力，仲厚住面皮死頂成日戴住頂帽，係因為我好鍾意頂帽上面個阿甘捕蝦船graphic，佢代表住一個好有意思既故事。響電影裡面阿甘當完兵之後為左完成佢俾佢個生死戰友Bubba既承諾：開間用蝦做主題既餐廳，所以佢當完兵之後就走去買左隻船學人捉蝦。

"I didn’t stay home long because I'd made a promise to Bubba, and I always try to keep my promise."

阿甘參軍，同細個一樣上車去學堂既時候無人讓個位俾佢坐，唯有一個黑人Bubba，自此兩個人一見如故，成為莫逆之交。

頂帽上面隻graphic捕蝦船，串起左阿甘、Bubba、同Lieutanent Dan三個人既故事。

阿甘響戰場上面救左好多人，但係救唔到自己最好既朋友Bubba。

智商低過人既阿甘捉蝦捉唔掂，後來寫信摟埋前度上司Lieutanent Dan黎幫手。幾代都係做軍人英勇殉職既Lieutanent Dan不嬲睇唔起阿甘會有咩作為，更因為阿甘響越南救佢一命，攪到佢死唔去唔淨止，仲要無左雙腳以後坐住輪椅做人，打破左命喪沙場呢個佢自己以為既宿命，生不如死，於是更加遷怒阿甘。每次無左雙腳既Lieutanent Dan聽見人講耶穌，特別係叫人「與主同行」個句，佢就扯晒火：

"That's what all these cripples down at the VA talk about: Jesus this and Jesus that. They even had a priest come and talk to me. He said God is listening and if I found Jesus, I'd get to walk beside him in the kingdom of Heaven. Did you hear what I said? WALK beside him in the kingdom of Heaven! Well kiss my crippled ass. God is listening? What a crock of shit."

Lieutanent Dan收到阿甘既信，佢勢估唔到阿甘真係實現佢既承諾，做得成船上面既captain。自己走頭無路之下，就死唔服氣就黎親眼睇下阿甘，同埋履行自己講過既野：如果阿甘做得成船長，佢會幫佢打工。

不過，Lieutanent Dan走黎幫阿甘手並唔代表佢無左對人生同對上帝既憤怒同怨氣。每次阿甘捉唔到蝦，佢都會窒佢話：

"Where the Hell is this God of yours?"

我好記得個一幕響狂風暴雨之下隻船出左海捉蝦，Lieutanent Dan坐響桅杆上面個瞭望台度大聲鬧上帝，話佢玩佢既人生（唉... 我諗起一個我幫佢代禱緊既人）、叫上帝放馬過黎、希望場暴雨攞埋佢條命好過...

暴雨過後，太陽響地平線隨隨升起，個海平靜左落黎，最正既就係Lieutanent Dan望住個海，望住個太陽，連個心靈都平靜埋落黎，頓悟生命既美好，原來無左兩條腿都總好過響戰場上無左條命，佢同阿甘講：

"I never thanked you for saving my life."

阿甘就話大概佢已經同上帝復和lu！（想喊添！）

我諗Lieutanent Dan就同今日好多人一樣，對人生好多唔滿意、怨自己條件唔夠人好、除非上帝按自己意思滿足自己所期盼既... 但係就從來無諗過無命既話有乜都無命享，無多謝過主耶穌其實老早救左我地一命，多謝唔該都無聲...

要多謝主耶穌幫我地執返條命仔，我諗可以借用阿甘媽咪教仔既一句說話：

"You have to do the best with what God gave you."

唔算聰明既阿甘就成世人好單純咁照住去做，響履行承諾、真誠對待朋友、盡力做好工作等事情上面，阿甘都俾到上帝同佢阿媽最好既交待。

咦，我既上帝唔係都咁樣要求我咩？

新相機與歪師師智叔

2004年頭買既Panasonic Lumix LC43一直係我每日都帶響身既好拍檔（同部PowerBook都無咁親蜜），但係老婆成日問我點解用佢影出黎既相硬係無人地個D咁靚。鬼咩！人地唔係用Canon 400D就係40D！但係響佢不斷既狠批之下部機又用極都唔肯壞，見住農曆新年黎緊，實要影唔少相，唯有買過部新機逼佢下台... 呢部Lumix係我第一部自己攞錢買既數碼相機，係當年讀緊碩士既時候為左做一個cultural analysis既功課買既，為左件功課我走遍港九新界，一次過影左幾百張相，雖然後黎份功課攞A唔知關唔關佢事，但係我養成隨身帶住相機既習慣就肯定關佢事... Anyway，多謝佢幾年黎默默既服事！

響單鏡機我唔會諗既大前題下，巡下豐澤同百老滙、響網上刨左一大渣reviews、最後sortlist剩 Canon既兩部機：一部係賣成四千蚊、功能同質素都超卓、連靚仔外型都無敵既G9；另一部係其貌不揚、功能唔輸蝕、但係無擴展功能、不過就只係賣二千六既SX100。跟住去鋪頭攞上手試玩下兩部機，最後終於扑錘買SX100。其實由4 Megapixels既Lumix傻仔機，到今時今日無論買G9抑或SX100，對我黎講都已經係大躍進。所以呢幾日試機，點影都覺得滿意架啦！下面撼砰冷都係用部新幾影既：

試影微距（LCD上面既pixels影到晒！）...

試影近距兼黃燈下調white balance...

試影夜景..

試影全手動快門同光圈（睇下超執練琴幾投入！禮拜六特登返黎練琴，各位真係要學下佢事奉既認真... 同慳電！）...

試影準備飲食既男男女女，想試下唔用閃燈既街頭snapshots可以點樣發部機既防手震功能... 對住兩位出爐執事都無震，證明防手震功能真係好掂！

其實仲有試拍左640x480 pixels每秒30格既video test，半分鐘已經超過60MB！費事upload上黎Blogger，連埋D無執過兼full resolution既相放晒上Multiply。

飲緊食緊既呢位歪師師智叔見響第一幅相自己唔起眼，影第二幅既時候就算啜住雪條都要搶鏡！（珊瑚攝）

有部新機玩我當然開心，但係更值得開心既係見住歪師師智叔響主耶穌裡面既改變：由我當年同佢做同事、同Account Director響個studio裡面唔俾面吵鑊勁、到四十而立反思人生... 又記得多年無見居然響個基督教講座撞番、當晚即刻響麥記同老婆一齊同佢講耶穌... 後來見佢試返黎教會、過左唔知幾耐收到佢電話話我知佢決志信耶穌、幫佢做初信栽培、睇住佢洗禮... 由吊兒郎當兼自我中心到家下經歷左好多野都無放棄過個信仰... 到肯放低自己，有拖都唔拍住反而陪醫生叔叔遊迪士尼、又會安慰人... 你話有乜可能唔戥佢開心！？讚美神！讚美神！榮耀歸神！榮耀歸神！

禮拜五晚歪師師智叔揸住本《荒漠甘泉》分享佢讀到上帝俾我地經歷痛苦同患難既正面意義。佢話發覺信左耶穌讀左聖經之後，個人境界真係高D，覺得好滿足咁話。歪師師智叔，活生生咁見證左箴言呢句說話：「敬畏耶和華，是智慧的開端；認識至聖者，便是聰明。」（箴九10）

歪師師智叔，我祝願你信仰上繼續成長，繼續投入教會既肢體生活。YCC雖然有好多唔理想既地方，但將來呢度肯定可以俾你好多豐盛既回憶，努力！

假若我有第三個女兒...

KK和HH的堂妹妹樂恩早陣子來了我家住了兩個晚上，還跟我們上教會參加兒童崇拜。小樂恩是個肥嘟嘟的可人兒、斯文乖巧、很討人喜歡、更在很多起居飲食的事情上懂得照顧自己，比起我兩個倚賴慣的兩個女兒...

有樂恩在，HH可以一嘗當姊姊的滋味，KK對著一個這樣聽教聽話的妹妹，比對著HH更有耐性地教她這樣那樣，盡顯「大家姐」本色。小樂恩是我弟弟的獨女，這兩天突然多了兩個姊姊培她玩、分享玩具、一起看卡通片... 當然也不亦樂乎。弟弟告訴我她來之前幾天已經嚷著要執拾甚麼細軟過來。

有樂恩、KK和HH，我也就有了足夠「本錢」把爺爺和嫲嫲都從老遠的西貢都吸引了過來，也「帶協」了我一點口福，能吃到母親的巧手小菜！

至於太太，她說帶著三個小女孩去逛街或上教會，一點也不介意人家誤會趣緻乖巧的小樂恩是她的女兒，反而感到「好威」呢！