返黎香港之前淨係知道
有颱風打到黎，返黎之後原來仲有
地震！感謝神俾我地一家平安無事返番黎。
今次旅程枕住落雨同陰天，攪到影乜都灰濛濛，一D藍天都見唔到，唉！不過天氣唔好又反而帶黎兩個好處：一，去D主題樂園玩乜都唔駛排好耐隊；二，兩個女好認真同俾心機祈禱求有好天氣，見到第日玩個陣唔落雨又知道係關自己祈禱事，第晚又再努力D祈。但係去到最尾去東京迪士尼前一晚，KK就有D進退兩難：佢話如果唔落雨就會玩得開心D，不過因為係星期六就必定要同多D人迫，排隊都耐好多；如果落雨就可以同少D人爭，但係又會幾掃興... 你話邊樣好D呢？
飛機上面既兒童餐點都唔夠送俾佢地D玩具吸引。
傍晚到達大阪，響酒店安頓之後已經係食晚飯時間，導遊帶我地去
道頓堀食拉麵。「喂！妹妹，第一晚之播，乜都未睇過，又未行到間麵鋪，妳就已經high爆lor？」家姐睇到愕左然。
無論響日本邊個城市，梗有一兩部自動販賣機響左近，買野飲同買煙最方便不過。後來我仲見到有賣熱狗同一楷pizza之類既熱野食，同有蓋杯裝既㗎啡飲品，包括Starbucks既自動販賣機添！
閒逛京都
清水寺同試坐左一個站
新幹線子彈火車。對我黎講，日本其中兩個強項係既懂得好好保存傳統文化，又懂得開發同埋應用新科技響日常生活上面，勝過中國既係佢地科技既普及能力同覆蓋率都極高。舊野新野都咁正，無辦法唔寫個「服」字！
第一次親眼望富士山，的確好動人既一座山！個山頂淨係響離開個陣見過，其餘大部份時間都俾雨雲遮住。呢張係響
富士急樂園影既。可惜撞正落雨無開放俾人玩，無得挑戰佢幾個超刺激既過山車。唯有逛下
Thomas Land同玩下
哈武太郎既細路仔玩意。
旋轉木馬可能係最古老既遊樂場機動遊戲，但係你咪理，D細路一樣玩得咁開心。
呢程影唔少相係戴住唔同形狀既帽，呢度唔係全部。
講到玩野試新野多數都係由HH做先行先。
呢張好似係本blog兩年幾以黎首次出現既全家福照片。
同卡通人物一齊影既相仲多...
乜有第二D人同我地影相咩？KK妳俾既V手勢係俾邊個？
無放上黎既仲有咸蛋超人、藍寶石王子... 妳地慢慢影啦，見到金髮小姑娘Sally，咀啖先講！啜...
見唔見到有個Spider-girl擒黎擒去！
Sanrio既Hello Kitty Land雖然有好多日本卡通人物同超靚既童話式建築設計，但係KK都係prefer《
綠野仙蹤（The Wizard of Oz）》既屋仔同
黃石路（yellow brick road）。
返學個陣響班房有無而家咁high先？
行程修尾黎到東京迪士尼，結果上帝揀落雨，兼且成日無停過。不過落住雨都係人頭湧湧，遮來傘往，個個著住對浸滿水既鞋同濕到淋既襪，絕大部份時間都要喱埋響有瓦遮頭既地方玩。雖然都係繼續玩，但係大人同細路都大呼無癮！
點解人地東京呢個城堡靚我地香港個咁多既？不過香港個有護城河，東京就無。
最尾一晚住呢間無適海景既大房，有兩張四六呎床、兩張梳化椅、寫字檯、浴缸同花灑企缸、坐厠都分男女兩個！「喂喂喂，起身啦KK！今朝要搭早機啊！」佢換晒衫仲挨響張梳化度訓 —— 咪以為呢張相個窗外邊光橕橕，其實不過係朝早六點！雖然今次行程去左四個主題樂園、factory outlet、銀座等等既購物熱點，我地都無乜買過野。所以你見到相裡邊既紅白藍尼籠袋唔好以為我地滿載而歸，其實只係污糟衫黎！
有左細路去旅行，衣食住行乜都係一闊三大，唔可以時時去。上一次四口子去長旅行係前年，下一次又會係幾時呢？
Labels: 生活, 足印
看看一樓一的網誌，你會發現他愛將自己當做超能先生，雖然我認為兩者的身型實在相差甚遠，但我在這裡還是要尊重他的做法。
崇拜後邀請了教會的小弟兄也一併來湊熱鬧，三個小傢伙玩個不亦樂乎。我沒甚麼擔心，只怕她們將手上的controllers大力擲到電視屏幕上，那時我恐怕要把關菊英的《溏心》主題曲唱出來：「哭不出聲，講不出聲...」
沒有Wii玩，用電腦上個遊戲網站一樣可以玩個夠，填飽「電玩飢渴症」。
