放多一日假

正經完三日，放多一日假響屋企攤唞下。

朝早訓晏少少，慢條斯理食早餐，享受一下難得既寧靜（我意思即係無幾可日頭我響度但係兩隻馬騮唔響度，所以間屋都企理D）。

晏晝就帶兩隻馬騮去健康檢查，仲一齊去麥記食雪糕添！我問佢地會陪我懶街兼響街邊食野到幾多歲，兩隻野啋我都傻！

傍晚響電話知道老婆話響公司好唔開心，我話俾兩個女知，仲叫佢地一齊幫媽咪祈禱，希望媽咪可以唔駛無端端俾D無癩鬼婆鬧。媽咪八點鐘返黎，兩個女即刻放低筷子走埋去hug媽咪，媽咪唔知乜野事，我話佢知我地幫佢祈禱，佢話唔知係咪咁所以響公司大步攬過。感謝神！