希望阿爸阿媽變電視精
今日食晏晝飯既時候去左PCCW，自把自為申請響阿爸阿媽西貢既屋企安裝寬頻電視，希望佢兩個變電視精！
唔好誤會，我意思唔係想佢掛住睇《溏心》或者《師奶兵團》，而係睇「創世電視」。我呢個做仔既一直無乜點盡傳福音俾佢兩老既責任，反而一齣《星火飛騰》每集真實感人既見證，深深吸引住阿媽集集追。真人真事往往最能夠打動人，又一次證明「以生命影響生命」永遠都work！
「創世電視」響三大收費電視都免費播放，我相信阿媽會鐘意睇《神彩飛揚》（一樣係見證節目）。佢咁遠黎唔到我教會，希望朝朝早既《靈修早晨》能夠滋潤到佢既心靈，睇《主日講壇》就幫佢響真理上面有餵養，打好信仰既根基啦！又希望老豆響阿媽罷住睇電視既時候焗住耳濡目染，早日信埋就好勒！
好野！後日佢地就有得睇lu！每個月二百零蚊嗟，就當係父親節禮物啦！下次食父親節飯bundle埋本《天使心》俾佢地至得。
又要再次多謝賢內座既建議同催逼，卒之成事勒！抵錫！
Labels: 信仰
posted by ablogaday @ 7:43 PM
6 comments
6 Comments:
"希望老豆響阿媽罷住睇電視既時候焗住耳濡目染，早日信埋就好勒!"
Noted, and I will pray that too!
Hi Ching,
I certainly support that motive. But do make sure father and mother tune to that station.
Vincent
Brother 2
Dad said the installation of paid-TV doesn't change Mom's preference in watch those soup drama on TVB and ATV. That means those channels are still the priority. Only out of those hours and when Mom's eyes are not too tired that she'll spend time watching Creation TV. And Dad said Mom knows how to operate and select this channel with the remote by herself.
On 9!
如果這個世界有上帝, 就唔會有咁多無辜的小朋友係四川地震慘死.
你身為中國人,兼併基督同祖國文化,你除左傳褔音之外,有冇諗過咩叫做"孝"呢？
謝謝無名和基督無間道的贈言，也謝謝你們的坦白。
無名，當閣下的父母拒絕給你想要的東西（例如零用錢），並不能否定（卻可以懷疑）他們對你的愛，也不能否定（亦可以懷疑）他們到底是否你的親生父母，或是否存在等。同樣，當大自然按它的規律發生地震雪漰等，不但不能否定（當然可以懷疑）上帝的愛，亦無法否定（也可以懷疑）他的存在。
關於應否將苦難問題歸咎上帝，我這裡有一些體會...
基督無間道，甚麼是「孝」？
我想是愛父母、尊重父母、順從父母、回報父母、令他們快樂、不惹他們生氣吧！？在人生的不同階段，我們都以不同的方式孝順他們，例如在求學階段，我們可以透過盡努力讀書的本份孝順他們；出來社會工作便可將賺回來的錢給他們以回報他們多年來養育之恩；他們年長後便要多抽時間陪伴他們... 當然還有很多不同的方法。我相信我或你雖然都未必能夠做到盡善盡美，但都會盡自己的能力一盡孝道。以上都是我信主25年來一直做著的，慶幸未聽見過他們說我不孝，反而見他們更見歡愉，亦樂意跟我返教會，甚至鼓勵我哥哥一家也隨我返呢！我信主前絕不算孝子一名，還試過激得老父落淚！感謝主讓我明白父母無私的愛，之後才懂回轉過來，一盡為人子女的責任。
閣下字裡行間，似乎想說中國人或中國文化與基督信仰並不兼容，信主者難盡孝義，這都跟我的信仰經驗和領會不符，難道我還有甚麼錯信或不明瞭？願聞其詳。謝謝！
Post a Comment
<< Home