沒有《溏心》的日子

沒有《溏心》的日子，第一日，晴。

哎喲！擒晚set錯左部錄影機既時間，無錄到大結局呀！邊位有錄到落帶或者牒既下次見面帶黎借俾我啦唔該！

大結局都做埋勒，無得向前望唯有望返轉頭：

我肯定他們會在年尾台慶的演藝獎項得到提名，但誰會贏出呢？

鍾意聽大契quote聖經，哭笑有時，做人真係唔可以奢望淨係得笑既時候無哭既時候。
鍾意睇大鮑縮住個膊頭笑。
鍾意睇得得地為左個細佬食死貓，對住阿虫幅畫默想「甜要吃，苦的吃，酸的也要吃」既大道理，跟住大鮑響佢背後閃出黎，話「你再唔講實話，屎也有得你吃！」（細女不斷笑住重複呢句）
鍾意睇見一個人回轉，永遠令人感動，多謝班編劇俾細契最後都能夠頓悟知錯。但係舅父波既下場又係點？
但最鍾意睇既當然係得得地響常在心後面靜靜地做守護天使，守得雲開見月明。多謝無線圓左得得地同全香港觀眾既心願！