K計劃和H計劃

K計劃：俾大女KK重奪「成績優良獎」既獎勵
H計劃：又名「M計劃（M係佢英文名既縮寫）」，俾細女HH既生日禮物（今日係佢八歲生日）

理佢乜計劃物計劃，其實「砍砰爛」都係用黎呃細路女既名目黎：實請係大阪東京主題公園七天遊，晏機去早機返其實玩五日，玩足迪士尼、環球片場、急樂園、同Hello Kitty Land。呢鋪真係佢兩隻野出世以黎最昂貴既禮物，爹地媽咪就算唔買野都已經係大出血！

原本同老婆揀一個擒日出發既團，想特登就岩今日細女生日響正迪士尼玩黎幫佢慶祝，點知成唔到團。啊！以為細女會無咁開心，點知佢自己話生日最想既居然係去爺爺麻麻屋企！（咁鬼孝順既！？抵獎妳既！）咁岩晒，就如妳所願，H計劃臨時執生加插多個項目啦！

H計劃既H其實係指佢中文名個「禧」字。我幫佢改名時查過字典，「禧」係代表祝福同開心，同大女個「祈」字一樣，個示字邊響古時係代表祭祀，即係有敬拜神既屬靈意味。希望禧禧既一生都有黎自神既（屬靈）祝福同喜樂。

話時話，禧禧又真係一個大情大性既人，容易喊容易笑，時時都真我個性盡流露。相信亦因為咁，佢自細就贏得好多人既歡心。

而家睇番佢細個D相，我最miss既應該係佢棚靚牙！

大阪東京主題公園七天遊，聽日馬上出發，寒舍暫時關門，下星期再見！