巨獎

你咪理，無論大女已經有幾多玩具，我同老婆都仲係要繼續買，鬼叫佢又試lor「學業成績優良獎」咩（唔係，係神叫佢至岩）？已經七連冠啦，底獎俾佢既！（上次lor獎係響舊年七月。）

成績同家姐差一大截既細女又點呢？家姐有獎又點可以少佢個份？於是就住佢lor到既三個「豬肉獎」（「交齊功課獎」、「守規的孩子」獎、同「環保小先鋒」獎）係咁咦都要買番份細細地既都要卦！？

兩個女老早話要去「玩具反斗城」揀獎品。初時大女居然話要買份麥當奴食物玩具可以玩扮麥記waiter，幾驚呀！即時落咀頭話不如睇多D先決定啦... 後來落足咀頭，卒之說服佢買左呢份有史以來最大份既禮物（晒屎jar，你估價錢呀！？我有無咁笨呀，你話？）。

最後，多謝大嫂提醒我唔好要求細女既成績要同家姐一樣，有D人係唔到個D位你都無佢辦法。咁細女，妳既強項到底響邊庶？