Graduation gown photos

同班同學夾份請左個photographer幫大家影畢業相，佢咩住長短砲訓晒身幫我地影左幾個鐘，你都咪話唔辛苦！

黎緊畢業禮我會代表班同學上台接受頒授學位，我諗最開心既係老豆同阿媽啦！可惜學校俾得兩張飛，阿爸呢張俾硬啦，因為我畢業佢仲緊張過我；淨番呢張... 老婆係我最想佢在場既人，但係比得老婆又無阿媽份，唔知點算... 感謝神知我唔夠飛，響擒日影相個陣其中一個同學突然話參加唔到畢業禮，會將佢兩張guest tickets都俾埋我，哈！攪掂晒！係咪好神奇！

An usual and unusual angle

平時響教會影相唔係咁多機會用呢個angle影到相，擒日借D椅整番張，哈！

15th Wedding Anniversary

擒晚同老婆放工唔返屋企住，一齊出街食晚飯，行完一陣街再坐低食糖水，咁就算係慶祝結婚十五週年既節目。十五年算唔算老夫老妻呢？但係十五年黎每年慶祝一次，加埋兩口子生日拍拖紀念，再加埋情人節等等，要每次都有創意同新意，就真係幾蝦人諗！今年我地倆個雖然無乜新野攪俾對方，但係估唔到既係新意黎自兩個女...

當我地返到黎屋企樓下，照例check下個信箱... 鬼整佢地... 呀，唔係！應該係上帝整佢地，倆隻野一早放左兩張賀咭俾我地：大女呢張好有設計味bor！將兩個頭畫左響個心裡面，但係又唔係好悶既symmetrical layout，而係用媽咪既頭髮黎破格，對稱得黎又有少少asymmetrical feel，有前途！
細女呢張驟眼睇起黎無乜特別，其實係個手造封黎，裡面裝左兩個心係度。今朝佢話係俾我地兩個寫番個名落兩個心度個wor，兩個心裝埋響一個信封裡面，你話係咪好有意思？

P.S. 多謝Hidy兩公婆同阿歡既賀咭，your greeting and blessing do warm our hearts!

BODW2005: 同場加影HKDA05海報展

成個場拿埋唔夠五張posters係用pure typographic approach，兼且係日本仔用居多，總之家下唔用photographic image既設計已經少之又少啦...

諗極都唔明點解睇poster要控到咁近睇？

Business of Design Week 2005

攪到我自十月中以來周身唔得閒、連訓都無覺好訓既，之唔係呢單野lor...

二十號，set booth工作如火如荼...

二十一號朝早九點未夠未開檔前水靜河非...

開show之後人山人海！之前老早報左名、成團成團既中學生響老師帶領下，要黎睇下設計究竟係一回乜野事...

預備左一系列既design workshops, Design to sit係要班友仔響一個鐘頭之內用瓦通紙整將坐得到既野出黎；Design to wear就要佢地都係用D瓦通紙整D著得上身既野出黎；聽日既Design to hold就唔知佢地會整到D乜啦... 總知就係俾佢地未入錯行之前經驗下設計唔係畫幅靚既野咁簡單，重包含好多problem identification, problem analysis, problem solving同design development既過程...

又要train班student helpers帶鴨仔團，介紹比班中學生點樣欣賞同場展出既Design for Asia Award、同埋代表簡約風格既芬蘭設計大師Kaj Franck同俾佢影響既新一代設計師既作品同產品、重有講求落實響生活既丹麥設計... 唉！如果你唔搵人介紹下、解釋下、答下問題，班友仔又會頭顎顎咁就叫睇完架啦...

另一邊廂，又要傍住老細向住大班傳媒介紹架MyCar；連吳光正都話要試下坐... 之前為左配合呢個show，用左超短既時間整左本書出黎，諗番起做雜誌個陣D非人生活...

值得高興既係有個讀碩士既同班同學仔lor左個專為三十歲以下既設計師而設既「青年設計才俊大獎」。嘩，乜我原來老佢咁多架！

攪埋聽日卒之忙完...

沒法躲懶的工作

從一些當老師的同學得知，當老師的就只有紅白二事才可以請假。真的，不是甚麼非常情形，實在很難找甚麼籍口將教學的工作推遲。所以就是在近數星期以來忙得連睡覺的時間也幾乎沒有（有兩晚我在零晨時份吃完晚飯，坐在沙發上休息睡著了，誰知一覺醒來已經是黎明了！），也不能不為課堂有充足的準備。難道要二三十個學生看著你「食螺絲」、「打天才波」、或打啊欠嗎？反過來說，若老師看見學生在堂上渴著睡，就只能怪自己教學悶蛋，或想著光罵他們就只會叫整班同學也沒法集中精神上課，還是叫自己不要因他對自己的不尊重而發脾氣吧！不竟他們（的爸媽）是消費者、是顧客，他們付了錢卻自己放棄學習的機會和權利，你也拿他沒辦法...

但當然當老師也有它本身的滿足感：就是當你看見他們沒有怎樣「走堂」，反而越學越有興趣；當你看見他們不錯的作品貼在牆上，一次一次的在進步；當你看見他們下了課還上前來孜孜不倦的問你怎樣可以改進自己的作品，或用心聽著你評論其他同學的作品，希望從中也學得一二時，你便想：「孺子可教也！」

說實的，還有甚麼比看見生命的成長滿足呢？

註：之前在開學那天說過一些對這個學期的期望，到現在為止還沒有落空呀，真安慰！

Where is God?

Fear not tomorrow,
for God is already there.

Photos from National Geographic.
? 1996-2005 National Geographic Society. All rights reserved.

想起一首歌

不懂得說甚麼安慰的話...
你們的傷痛，叫我想起這首歌...

夜半驚奇

半夜三點幾，個女突然彈起身響房走出黎，話喉嚨痛喎！俾杯水過佢飲之後，問佢想返房訓定係做埋D未做完既功課（無錯，我就係岩岩開緊夜睇佢D功課，發覺重有好多樣郁都未郁！如果佢而家唔做，即係我要聽朝六點三起身督住佢返學之前攪掂佢，你話我寧願揀邊樣呢？），我重諗住佢實會話返入房訓（佢不嬲都唔多鍾意做功課架嘛），點知佢居演話想做功課woh，仲半個鐘攪掂晒！

丫！有前途呀，妳！咁細個已經好似老豆咁：唔怕開夜車...

Vote for your favourite

I just had the 100th blog written below. Which is your most favorite one(s) so far, for whatever reason(s)? I'm thinking of putting direct links of those most popular and favourite ones on the sidebar at the right as a featuring highlights for new readers. Just give me some comments!

兩種祈禱哲學

太太跟我有著兩種截然不同的祈禱哲學，亦反映了我倆對父神的不同理解。

「多祈禱，多力量；少祈禱，少力量」是她所信奉的。跟她結婚快要十五年了，她時常在睡醒還未下床之前，第一件事便是以祈禱開始新的一天。更甚的是她沒有在睡覺前禱告的次數，幾乎是一雙手可以數出來的。有時在大家睡覺前，她說要一起禱告，我很多時在開始前都有點不願意，但祈禱完成後又會感到夫妻一起禱告真好！最近她告訴我，她慣常在午飯後便到她公司附近的那所教堂裡禱告...

她也常愛用「死lurr」一詞來形容她的祈禱生活，與P.U.S.H.的祈禱哲學遙遙呼應。她的聖經根據顯然是來自阿伯拉罕為所多瑪代求（創十八20-33）、雅各與神人的角力（創卅二22-30）、在主耶穌前將自己比作吃桌上跌下來那些碎渣的迦南婦人（太十五21-23，可七24-30）、和天天纏著法官要伸冤的寡婦（路十八1-8），告訴我們上帝的決定往往是我們可以用不住禱告來打動的。縱然祂已經定意做一件事情，但假若我們向祂「死纏爛打」，上帝見我們這樣定意不輕易放棄，既欣賞我們的誠意、又看見這樣可鍛鍊我們不住禱告的信心和恆心，最後便順我們的意思應允了我們，好一個「死纏爛打」！告訴我們上帝不是那麼高不可攀、不近人情。你所求的會否成就，唯還看自己有多堅持吧！

相比之下，如此孜孜不倦的禱告對我來說不單望塵莫及，兼且應該用帶點責備口吻來形容為懶惰！或許是太六7-8所帶給我的陰影吧：「你們祈禱的時候，不可重複無意義的話，像教外人一樣，他們以為話多了就蒙垂聽。你們不可像他們，因為在你們祈求以先，你們的父已經知道你們的需要了。」一方面經文對重複的禱告並不欣賞，更說明我還沒開口前天父已經百分百瞭解我們的須要，知道我們想怎樣就更不用說了。我很難想像我為著一件事祈禱超過三五次後還沒有重複（可能我很少求聖靈帶領我怎樣為一件事不斷的深入禱告吧！），再者我所祈求的多是從自己的理解去求，不一定是上帝看為最好，況且按經文所說，祂已經知甚麼是我們的須要，並且會按之賜予我或我代求的對象，那我還用常常開口嗎？禱告於是變成我向父神傾訴多於向祂求一些東西。此外，我記得初信主時讀過吳主光的《最理想的靈修》，裡面講我們的靈修不是止於每天那十多二十分鐘，乃是全日廿四小時的。所以我偏向無時無刻的盡量保持自己對上帝和屬靈課題的敏感，並將生活的每一細節放進屬靈的context內思考和反省，於是閉上眼睛禱告的時間便更變得少之又少了。大概就只有在與他人一起禱告的時候，和真的要甚麼都不做，放下一切來聚精會神，才會閉上眼睛吧。

身為人父後，我更用了為人父親的想法應用到禱告生活裡，希望兒女快點長大獨立，不用事事依賴父親幫助... 所以更想著父神或許希望我自己學習面對困難也說不定，於是更將我推向一種先嘗試自己獨立面對困難，後再求助於父神的想法。但我要說明的是：這不代表我在嘗試獨立面對困難的時候是將上帝忘得一乾二淨，其實我仍然是會仰望祂，以祂的原則做事，保持著那不住的溝通的。可是這種對祈禱的看法真的很容易叫我誤將禱告擱置在一旁，「死到臨頭」才懂開口祈禱。

上帝是無限的，不同的信徒對祂有不同的理解，並不是反映我們相信著不同的上帝，更不是上帝性格分裂，一時喜愛你不住祈禱、一時要你自己「攪掂」；反而顯出祂真像一個懂得因才施教的父親，明白和尊重我們是一個獨特的個體。（拿！可能我響度自圓其說架乍！）

你呢？你的祈禱哲學又是怎樣的？

"Is prayer your steering wheel or your spare tire?" ~ Corrie Ten Boom

可能

儘管「可能大師」Schuller的言論甚至神學備受質疑，我想這兩三個禮拜我仍然需要用他的possibility thinking來鞭策和鼓勵自己，才能面對湧著來的工作...

"Within every adversity lies a slumbering possibility." ~ Robert Schuller