15th Wedding Anniversary
擒晚同老婆放工唔返屋企住，一齊出街食晚飯，行完一陣街再坐低食糖水，咁就算係慶祝結婚十五週年既節目。十五年算唔算老夫老妻呢？但係十五年黎每年慶祝一次，加埋兩口子生日拍拖紀念，再加埋情人節等等，要每次都有創意同新意，就真係幾蝦人諗！今年我地倆個雖然無乜新野攪俾對方，但係估唔到既係新意黎自兩個女...
當我地返到黎屋企樓下，照例check下個信箱... 鬼整佢地... 呀，唔係！應該係上帝整佢地，倆隻野一早放左兩張賀咭俾我地：
大女呢張好有設計味bor！將兩個頭畫左響個心裡面，但係又唔係好悶既symmetrical layout，而係用媽咪既頭髮黎破格，對稱得黎又有少少asymmetrical feel，有前途！
細女呢張驟眼睇起黎無乜特別，其實係個手造封黎，裡面裝左兩個心係度。今朝佢話係俾我地兩個寫番個名落兩個心度個wor，兩個心裝埋響一個信封裡面，你話係咪好有意思？P.S. 多謝Hidy兩公婆同阿歡既賀咭，your greeting and blessing do warm our hearts!
posted by ablogaday @ 2:07 PM
7 comments
7 Comments:
恭喜恭喜！
手做設計真係好有味道，睇見都開心。
十五週年，好長久呀！我都就快到喇，呀！都唔記得還差幾多年？我老虎已習慣了我的大意和無記性。
令千金的手繪紀念咭，真係睇到我流哂口水。犬兒既無繪畫天份，亦無此心意，唉！真係失禮。
多謝小丸子同學子既祝賀！
一樓一，令郎有無咭整俾你唔係問題，問題係佢認識佢父母有幾深。諗下世界上仲有邊個人你想佢知你兩公婆最多野？仲有邊個人你想佢最記得你兩公婆？所以平時花幾多時間同D仔女溝通，唔係淨係諗埋一便要輔導佢唔好誤入歧途咁話，更重要既係同佢想下當年，講俾佢知當年自己點樣懸捱勒馬、點樣逆境求存、點樣睇人生、點樣睇愛情同婚姻... 教佢地做人之餘仲俾佢地多D關於自己父母既記憶，呢D野係影相都拍唔低既野，亦係我點解成日借D椅俾兩個女睇下我個blog既原因。你唔特登響佢地個腦度霸多D位，佢咪比Harry Potter、Twins、或者遊戲機霸多D，咁仲點奢望佢會記得你結婚周年呢？
佢份心意唔一定要畫張咭表達出黎，用你兩公婆個結婚日期黎買張六合彩送俾你地，都可以tum到你開心啦，下話？
Welcome!! Actually, I'm so happy to witness your wedding ceremony 15 years ago and the anniversary nowaday. Thanks God and thank you!
恭喜晒﹗
你o既灌輸真係做得幾好，我連我阿爸阿媽係邊日結婚都仲未知呀﹗佢兩老都唔多提佢地後生D浪漫野o既，各自o既威水史就提得多。
happy 15th wedding anniversary,
all the best to you & your family
歡迎NT君光臨寒舍，也謝謝閣下的祝福！有空多來坐並留言！
好奇一問：閣下是如何找到來這裡，並在一篇舊blog留言？
Post a Comment
<< Home