No more Great Firewall?

到杭州公幹，匆匆的過了兩個晚上，沒有機會見識「西湖十景」，只在西湖邊逛了一次夜街，暗暗的街燈叫人很難看得清楚湖畔風光到底有多美（遺憾！），但陣陣清新的鮮風撲面吹來，比香港調至攝氏23度的空調不知好多少倍（我知道政府勸籲人要調至25.5度）。加上高度綠化低密度建築環境，與及休閒的民風，已經叫我忍不住要致電回港，告訴太太這裡的確是個好地方，要想想將來再來一趟云云。

住的並不是甚麼高檔的國際級酒店，但已經有個不錯的view。房間內另一個驚喜，是居然可以瀏灠所有我bookmark了的Blogger網站！難道這是奧運會帶來的正面影響？

參加了一個有關創意與製造業的論壇，驚見國內一些從事速記服務專業的女生，在電腦上輸入中文，即時記錄每一位講者的一字一句，速度之高叫人不敢相信！

坐在我前面這些女孩子用的是專用作輸入中文的鍵盤，比一般的細小很多，闊度比兩條大腿還窄。前面這兩個女孩所用的鍵盤是接駁在同一部電腦上，一個以超快速度給主席、演講嘉賓和參加圓桌論壇的嘉賓所講過的每字每句都作實時（real time）記錄，另一個則在同一個檔案上作即時教對和修正：一個完整的論壇報告就此誕生！

連續三個多小時的論壇中，見她們只竭過不超過五分鐘！不知她們將來手指的關節會有甚麼毛病...

二百多個浙商（浙江本地的商界喜歡這樣自稱）逼爆了中國其中一所頂級大學 —— 浙江大學 —— 的紫金港國際會議中心演講廳，為要來聽設計專家、品牌專家、和成功企業的CEOs的心得，希望得到啟發，怎樣可以給自己的製造企業帶來創新。老闆演講用的PowerPoint檔，當然是出自我的手筆啦！

Snapshots@Mid-AutumnFestival camp

日期：中秋正日同埋追月日
時間：崇拜後出發，第日食埋晏晝出camp
地點：長洲

營地幾呀年都好似無乜翻新，但係你咪理，一樣爆滿！

親子遊戲點少得？未玩已經high定先...

趁住大家聽講解點玩，我同家姐自己玩住先...

創意大爆發：手製燈籠大賽，一個家庭造一盞，靚唔靚都係其次，份親子時間同愛心先至係最寶貴。

細路解釋個design concept，設計師哥哥同佢老婆係judges，佢地話響度拗邊個贏，拗到爭D要攪離婚...

「我的燈須要油求主賞賜下，使我燈發光到主作王！」勢估唔到我兩公婆同兩個女夾手夾腳整既呢盞爭D滿瀉既紅油燈攞到個「全亞洲最具創意大獎」（後來評判改口話係「全宇宙」wor）—— 咪懷疑我一家人既設計，懷疑班評判既能力好啦！

學下奧運金牌選手，咬住個牌影幅相先。

睇住班細路一齊由細玩到大，默默祝福佢地可以做一世既好弟兄。

笑住等食飯...

兩日由響碼頭等船入長洲到響個營地行「高樂級」都熱爆！身水身汗無傷干，人月團圓就最開心！

多謝一班勞苦功高既籌委！

又到新學年

又到九月一日，晨早天未光五點鐘就趷起身想趕工做野，但係結果公事就做得無幾多，反而梳洗完之後想先為個弟兄代禱，祈完之後個工人都已經起左身準備兩個女返學既野，我心諗不如疊埋心水幫手攪醒兩個女算啦，又決定同兩隻野一齊食早餐（其實我根本鍾意朝早見到佢兩個）...

同兩個女玩完，送左佢地出門口，跟住就入房同老婆講聲早晨... 響個窗口向住中環影番張相... 勁背光！

大學響呢個暑假大破慳囊，幫我地批研究人員換晒D電腦，我D同事家下個個都用部Core 2 Duo既Dell配個16:9既廿吋monitor，我因為係死硬派Mac友無福消受，但係真係睇到我流晒口水，心諗無理由我無份嗟！？於是自把自為lor左部自從個graphic designer走左之後就俾人荒廢左既PowerMac G5黎用。嘻嘻！都叫做有部好過我本來部機既二手機安慰下自己... 部機快左、個monitor大左、RAM同hard disk既容量都多左（查實我部PowerBook G4長期都係得番3 GB，做野就好似住響個兩百呎房咁：轉個身都難！），好過無啦！不過跟住就要煩檔案同步既問題... 仲未諗到一個好既方案，不過加埋部iPhone，以後應該可以少D將部PowerBook帶黎帶去咁返工放工，老婆應該會吟少D掛？

不過D舊電腦既前途就唔知點啦... 上晒鎖，佢地似唔似囚犯？