煩請工人

睇見老婆心煩意亂，自己無乜野做到，真無奈...

黎緊九月既挑戰，唔單止係新學年要單挑咩起教九個鐘書，仲要協助老細帶七個禮拜既碩士班workshop，家陣預備D rundown都已經如火如荼。不過仲有更大鑊既：就係我屋企個菲傭話要另謀高就，去加拿大Calgary打工咁話wor... 攪到呢排禮拜日下晝到傍晚都要上agencies搵工人見工人，希望盡快搵到個replacement，將無工人既真空期縮到最短。兩個女開學在即，屆時無工人都未知點算...

同埋兩個女響agency陪老婆揀工人，無聊起上黎用部iPhone亂影一通。

通常對我呢個住家男人黎講，對個工人最重要既要求當然係佢能夠響各方面都氹得老婆開心放心無投訴，如果唔係老婆唔滿意，就梗捉住我黎煩，「唔該你話下佢呢樣」「唔該你教訓下佢個樣...」 咁樣洗左錢請個人返黎但係無solve到我既problem不特止，仲create左仲多problems，你話係咪唔得掂？

HH賣告白：「上面幅相同我呢幅都係用Daddy部iPhone影既，質素唔錯掛！？」（設計對白）