開學大日子

身為家長，有乜野事大件事得過攪掂仔女D野？九月一號係全香港莘莘學子開學既大日子。六點幾兩公婆晨咁早起身教個工人點樣預備兩個女返學，照例老婆梗俾個工人激到氣頂：無辦法整醒兩個女、由得佢兩個繼續響梳化訓、慢吞吞整早餐、呢樣無做個樣唔記得，好似唔駛趕搭校車咁...

睇見兩個寶貝女咩住個唔成比例既書包等校車，一方面有欣慰，一方面又擔心佢地既將來。欣慰係見到兩隻野一齊自己返學，多年前想像既圖畫而家活現眼前，感謝 神！擔心係唔知佢地係呢個唔健全既教育制度底下，究竟會變成點樣既人、對追求學問知識又會有幾熱衷、與人相處又會點...

感謝上帝，賜我和太太這寶貴的產業！求你讓我倆在育養她們上作個好管家。阿門。

P.S. 有無睇見大女用緊佢最鐘意既「二字拑羊馬」（詠春拳獨步武林既看家馬步）？