"Innovative" publication design

兩個寶貝女開學在即，呢輪更係要忙住幫佢地買埋D教科書。原先諗住個大女高細女之不過一年級，兼且讀埋同一間學校，以為可以慳番D買書錢，點鬼知而家D出版商認真識係D莘莘學子既家長身上面既銀包打主意！

以 前阿哥D書除非教署改syllabus，我（盲下手同我兩個細佬）都可以用番。後來出版商出左「年年改版」呢招，家長無辦法唔買，後來俾人吠得多先至唔 敢年年改。跟住佢地又整招「書連作業一套」呢下野，家長唔買書都要買過晒D作業。點知而家書裡面都同作業一樣，有D地方要諗下答案做填充、劃下圖、玩下連 線或者迷宮咁... 好鬼互動架真係！唔駛多，成本書裡面有四五版係咁，阿妹都唔駛旨意用番家姐本「仲係好新既舊書」架啦！老婆睇混成張書單，結果數埋唔夠四五本書阿妹用得 番，死未？

D出版商真係識得利用「設計」刺激消費、帶動「康港」既出版業同印刷業，點可以唔讚佢地innovative？點解全「康港」咁多間設計學校D「出版設計」個科都無教呢樣野既呢？