打風好唔好？
2005年第一個風「珊瑚」（不過佢個英文名唔係Coral，係Sanvu）打到黎啦！
想 起細個同打工都同全世界人一樣，鐘意打風有得「透」，特別諗起同老婆仲未結婚、初初拍拖個陣，打親風就去新蒲崗麗宮睇戲（呢，最鍾意番做《兩小無 猜（Melody Fair）》個間呢！而家拆左lu！）... 但係到左自己開檔，就明白打工真係唔講得笑：大佬！有大把deadlines要趕，一係番唔到公司做野，一係老婆想自己留係屋企。少做一日野，即係少賺一 日 錢，真係唔係咁過癮！而家明白打工仔從來唔駛為出糧擔心，但其實都唔係奉旨，只不過D壓力去晒老細個度唧！原來做老細既，日日夜夜都要計住每個月賺唔賺夠 出糧俾班伙記，如果唔夠糧出，就唯有唔出俾自己，出晒俾D伙記先，雖然唔係個個老細都係咁，但係至少俾自己明白，打風其實唔係咁值得開心，加埋聽到個D死人lum樓既新聞，就識得係打風既時候，應該先祈下禱...
註：MTSAT-1R紅外線衛星圖片由香港天文台提供。
posted by ablogaday @ 11:26 AM
2 comments
2 Comments:
麗宮是我小時侯經常去的戲院，當年還有早場公映。我記憶中她是全港最大的戲院，有前座、中座、後座、特等和超等；她好像只做二輪西片，所以票價比較平。
昨日打風兼黃雨，小兒最高興，因為他以為唔使去課外活動--海童軍。可是他還是失望，還是要去他不喜歡好課外活動。
打風落雨還有一點事記緊要處理：記緊關窗門
昨日我的睡房就忙記了把窗子關上，結果窗台、地板、床單、牆身...等等濕透了！
多謝「一梯一伙（1 House 1）」（希望你唔係叫「一樓一鳳」啦）喚起我更多關於麗宮戲院既回憶！規你仲記得個D票座分類，好野！我都係鍾意佢專做二輪西片呢個policy，因為我從來都唔會急住睇邊套戲，點解唔等佢係麗宮做先睇？慳番好多架嘛！而家買DVD都係用咁既策略。
我仲記得讀小學個陣，我學校每年都會係麗宮慶祝聖誕節（可能因為佢夠大，坐晒全校學生！？），帶晒我地班學生睇重做又重做個套《歡樂滿華年》，由肥姐、杜平、波叔（唔記得有無森森同斑斑添！）同陳齊頌主演，我個陣覺得陳齊頌好靚架！
P.S. 閣下個blogD相唔錯bor!
Post a Comment
<< Home