Snapshots@Mid-AutumnFestival camp

日期：中秋正日同埋追月日
時間：崇拜後出發，第日食埋晏晝出camp
地點：長洲

營地幾呀年都好似無乜翻新，但係你咪理，一樣爆滿！

親子遊戲點少得？未玩已經high定先...

趁住大家聽講解點玩，我同家姐自己玩住先...

創意大爆發：手製燈籠大賽，一個家庭造一盞，靚唔靚都係其次，份親子時間同愛心先至係最寶貴。

細路解釋個design concept，設計師哥哥同佢老婆係judges，佢地話響度拗邊個贏，拗到爭D要攪離婚...

「我的燈須要油求主賞賜下，使我燈發光到主作王！」勢估唔到我兩公婆同兩個女夾手夾腳整既呢盞爭D滿瀉既紅油燈攞到個「全亞洲最具創意大獎」（後來評判改口話係「全宇宙」wor）—— 咪懷疑我一家人既設計，懷疑班評判既能力好啦！

學下奧運金牌選手，咬住個牌影幅相先。

睇住班細路一齊由細玩到大，默默祝福佢地可以做一世既好弟兄。

笑住等食飯...

兩日由響碼頭等船入長洲到響個營地行「高樂級」都熱爆！身水身汗無傷干，人月團圓就最開心！

多謝一班勞苦功高既籌委！