由三分鐘到一小時

邊個會諗到三年半前熄燈三分鐘，好似只係濕濕碎，起唔到D乜野作用，會演變到今日熄足一個鐘！？

成個鐘頭熄住燈睇電視，個廳好似戲院咁。兩個女就高興啦，因為「黑盟盟」暫時唔駛溫習，Hurray!

但願更多人願意勇敢面對這個「不願面對的真相」。

Back to HK

The ferry back to HK from Shunde is within HK water territory now, and I can use data services on my iPhone again.

But this doesn't mean I can go back home when I get off later, 'cos I still need to teach from 7 to 10 later.

Oops! I didn't bring my shaver with me, and so will be seeing my students with this look...

Sent from my iPhone3G

終於可以竭一竭

自上月廿二日開始天天上班，連續不停至今天上午。中午下班離開辦公室時，終於重嘗「好呀！明天不用上班！」的想法。

今天是太太生辰，跟約了她的姊姊與姐夫們在中環吃午飯，算是少有的優悠。

無價的舊照片

四弟忽然發電郵過來，讓我們幾兄弟下載一些舊照片。原來是我們的兒時舊照，真叫人喜出望外！

說起五弟，為甚麼他沒有在照片裡呢？你看四弟也不過是個四歲的小孩，跟他相差四年的五弟當時如果不是未出世便應該還是個手抱的初生嬰兒吧。

五兄弟人齊了，可以比較一下今天的樣子。四弟幹嗎換了一件跟我一樣的外褸？

到啟德遊樂場，是我們兒時其中一樣夢魅以求的活動，看四弟的興奮表情便可知一二。（看我年幼尚未戴眼鏡時原來也是蠻「靚仔」的！）

念小學五年級那年，我因為羨慕大哥戴起眼鏡來很好看，所以看電視時故意走得近一點，令自己有近視，那爸媽便自然也會給我配一副，屆時我也就可以一樣好看了，結果...

上面二哥的皮褸現在已經穿在五弟的身上了。我穿的喇叭褲也挺「潮」呢！不過，那時麗的電視有一套極受歡迎的《幪面超人》，超人的衣袖和褲管都有雙白線，所以這件有雙白線的運動風褸才是我和四弟的最愛。

我以一敵二，用橋手隔開右邊五弟的虎爪，左邊則用擒拿手抓著四弟的腿，勁啩！

五弟說得好：幸好我們的爸爸是個愛攝影的人，才會給我們留下這些回憶，很多人翻箱倒籠也未必可以找到多少張兒時舊照呢！謝謝你，爸爸！

舒舒服服即時更新

能回家真好！又一個要工作的星期天過去了！

縱然是吃外賣餸菜，能在家跟太太和兩個女兒一齊吃，也是一種幸福！

近來星期天的晚餐都是這樣安排：叫外賣餸菜，我洗米煲飯 -- 對！我母親也曾經讚我洗米放水量度適中，煲出來的飯好吃呢！

無驚無險，又到六點

咪以為禮拜五六點就係可以輕輕鬆鬆返屋企過兩日假，仲未可以返歸。

聽日八點半出發帶班學生返大陸考察同做調研，睇怕要夜晚八點打後先返到屋企。

禮拜返唔到教會，皆因又要由朝早十點踩到下晝五點。

西藥食晒，今日去睇左中醫，希望將D感冒醫斷尾佢。阿爸阿媽，我少左好多咳啦！擒晚連續lecture左兩個鐘都無乜點咳到。

Live update住咁多先...

得閒死唔得閒病

有乜野係會令你連live update都做唔到既呢？

就係忙同埋病勒。

由上星期開始，除左一至五返朝十晚六之外，每逢二、四、六同埋日都要教書。二同四就七至十，六就由晏晝兩點教到九點，禮拜日就朝十起一直到傍晚五點！咁既情況會一直到三月20號，連教會都返唔到！

間唔中仲要返下大陸：上個禮拜二至三返左祈福新村做pilot research，之前新年D咳未清，引發D氣管敏感好煩，喉龍好痕，咳到唔爭在去埋個度間祈福醫院睇埋急診。（其實係老細逼我去，唔係佢有心，只係想用我睇症黎research埋人地D服務水平係點jet！）

登記費要12蚊人民幣，有張smart card記低晒你俾左錢未，配咩藥等等，好似幾先進咁。睇完症去攞藥之前埋單就另外再俾112蚊，不過D藥就全部都係國產成藥黎...

D藥食左有些微改善，但係返左香港第二日都係拿拿臨去再睇個耳鼻喉專科。呢個醫生係我不嬲都睇開既，次次感冒未清引發D氣管敏感，睇一次就包攪掂，盛惠600幾蚊！無得claim，都幾肉赤！

繼續忙... 禮拜六再要帶廿零個MBA學生上去，朝早8:30出車...

忙到教會所有工作都幾乎全部要放低唔做住。不過有一樣野忙都唔會停，就係祈禱勒。呢樣野唔單止得閒先祈，忙又祈得，病就更加要祈，仲要記住幫埋D屋企人同弟兄姊妹代禱添。忙呀忙，你吹咩！