多我唔多 少我唔少

環保團體發起響擒晚八月八日晚上八點實行「888熄燈三分鐘行動」，維港跟平時無乜唔同，晚上既「幻彩詠香江」亦如常進行。特首話wor，擔心咁做會影響香港作為國際商業及旅遊中心既形象，所以唔響應lor。新聞都話響應者唔多...

喂喂喂，熄得個三分鐘，試問幫到D乜呀？連長春社都話唔得閒參加呢D「姿態性」既行動啦。

熄燈係咁、捐錢係咁、投票係咁、遊行係咁、逢係阿公既野都係咁架啦，我唔做大把人做啦！我駛乜咁落力嗟？

寫blog咪又係咁，全世界超過50,000,000個blogs，有無人特登走黎我個檔攤度聽我發up風，我駛乜咁落力日日拗爆頭夾硬挖D野出黎寫嗟？

奉獻係咁、事奉係咁、返教會係咁，上帝大把馬，多我一個唔多，少我一個唔少，我駛乜咁落力嗟？

呢個世界係咁架啦，乜都要講result同return，睇唔到即時果效既野，唔好叫我晒心機同時間做，我地大家都唔得閒放長雙眼睇第時有無用，煮到埋黎先食啦。

.....

不過，擒晚我同我一家人都係選擇左熄燈，and it feels good。

我咁寫俾BBC：「縱然行動是微少，但它代表的意義和給我兩個女兒的見證還是挺大的。」或者呢個就正正係一個好機會，做D睇唔到結果同回報既野，學下乜野叫做「信就是所望之事的實底、是未見之事的確據」（來十一1）。