Indulge in my days

牛年到，無謂牛脾氣仲要死撐...

三年半，都已經做唔到每日一blog好耐，無謂誤導人地要日日黎，所以修改個blog名，唔要上半句「Write a blog a day」...

由當初諗住要每日一blog，新屎坑真係一日寫一篇甚至幾篇，用埋返工時間黎寫...

到無晒墨水監硬搵D無聊野黎寫為左要fulfil個自己俾自己既諾言...

到唔監自己，但係做唔到就心裡面籮籮攣...

到麻木左做唔到都無咩感覺... 講得好聽就係駛咩理人，自己地頭根本就係鍾意寫就寫唔鍾意就唔寫既化境，講得唔好聽就係已經當讀者無到...

到想寫都諗唔到寫乜，而且懷疑自己係咪幾年黎都係重重複複長氣夾唚氣開始步入老年...

又到睇見身邊寫開blog既網友都似乎意興闌珊，為種種原因都無以前寫得咁密，甚至停寫...

咦？乜咁似我地話想日日靈修祈禱既？乜咁似我地既靈命發展pattern既？由後生為左上帝副「偈」開到「恆」，到左壯年中年就為呢樣為個樣好合理既理由攪到乜火都無晒...

決定死唔信鏡，就係選擇要撐落去（牛脾氣又返番黎）...

我是一頭牛

應阿mie今天晚上在團契聚會的要求，找一樣能代表自己的東西。想了又想，我想牛也是挺適合的。

不要誤會，我不是因為年近歲晚要告訴你我是屬甚麼生肖（你自己猜吧！），也不是說我是力大如牛，反而我其實胃口不大，也就是說我一向不過是隻瘦弱的牛吧！

說自己是牛，是想說自己如牛般只會埋頭默默替人工作，是個低調的「助手」，鮮有投訴、野心不大、少有脾氣、容易適應環境和滿足... 在工作以外，你不會看見牛像馬匹一樣成群結隊在草原上馳拼，我便是這樣如家牛般單來獨往，工作以外更少有「laan街」。從前我是「知道」自己，經過近十年工作上的轉變更確定自己是這樣的一個人。

牛須然有四個胃，但其實在食方面挺簡單的 —— 就單吃草吧了。我這個人，對食從來沒甚要求，甚至是天天到同一個地方叫同一樣食物，也都能適應下來。相反，我對精神食量的胃口可不少呢！港聞、國際新聞、娛樂新聞、《明周》、瀏灠網落世界、中英文肥皂劇和電影都是我的routines。動作、科幻、文藝、兒童、動畫、紀錄片和外語片我都看；設計、科技、歷史、文化、地理、自然科學、心理、漫畫、聖經並各樣屬靈書刊和雜誌我全不抗拒。我的iTunes/iPhone音樂庫則涵蓋了各類風格的中英日文國粵語hit歌和懷舊歌、rock'n roll、R&B、pop、jazz、blues、folk、disco、hip-hop、rap、alternate、punk、world music、電子音樂、聖詩、古典音樂、粵曲... 牛用牠的四個胃來反嚼，我也習慣就自己、就同一件事或同一個人反覆思想，同一套電影同一句對白也會看完又看聽完又聽...

還有，牛是沒有甚麼表情的。我想我在人家眼中可能也是這樣的。我更注意到自己上了年紀後，不肯定是扮冷靜還是對事情麻木了，喜怒哀樂愛惡恨也沒有從前那樣波動。我雖沒有「牛咁眼」般打量著別人，但我是挺愛觀察的。大部份時間裡，你看見牛都是木納不動的（只有尾巴不停在擺動為要趕走蒼蠅），好像想甚麼想得出神似的。其實牠不是在望東西，只是嘴巴不停在反爵，等著下一節工作時間的來臨... 唉！我退休的日子，又會是甚麼年日呢？

順祝牛年 新年進步 福杯滿溢！