我的個人私隱都在這裡了

November

除左正常日頭既工作同埋夜晚兼職，與及返教會之外，呢個月都做左幾多野：

1. 去左兩日camp，同一班傳道同工同埋弟兄姊妹商討教會來年既牧養事工。

2. 祝賀細佬碩士畢業！勁呀，我呢個細佬！

3. 同一班舊同事食飯，有D成廿年無見，好開心！

4. 卒之等到部iPhone 4S，取代部龜速3G。Siri好過癮！有一晚我做到作病，同佢講我好攰，佢建議我擺低部iPhone然後瞌下，仲話佢會等我！


5. 亦因為有左部新電話，可以隨時隨地好爽咁上網，終於屈服開左個Facebook帳戶，唔駛借用老婆個account黎comment人地D靚相同埋posts。

6. 工作上完成左一個大project，亦因為呢個project飲左好多好多紅酒、白酒同埋香檳！（呢張相係用新買部iPhone 4S既相機小試牛刀，響電腦上面睇原大8個megapixel個張，顏色層次好靚，我以後唔駛去到邊都帶住部Canon啦！）緊接住落黎又即刻為月底另一個project忙緊。

7. 放左一D股票，賺左些少錢。（感謝神！佢知道我呢排無乜錢）47日逆市賺左超過15%，放左之後即刻見佢係咁跌，今日幾乎跌到我買既原價！

無做到既... 呀... 係... 無睇到《萬千星輝賀台慶》！