繼續祈禱

要靈修、要祈禱、要讀聖經、要祈完再祈、要等候、要有信心、要順服、要... 呢D都係五十年... 唔係，係五千年都唔會變既真理。就算唔係真理，都係千古做基督徒都枕住要做既操練。（其實有無諗過，如果上帝要你每日做既野都唔同咪仲恐怖！）同樣，就算我個blog唔止講過一次既題目，都一樣可以提完再提。今次就由女兒用「趣味寫作」黎講：

《有趣的實驗》

今天我做了一個實驗。

材料：醋、清水、糖、鹽、和梳打粉。

我們先把醋放進清水，然後加糖，再將鹽放進去，可是還沒事發生。最後我再放入梳打粉，你猜有甚麼變化？就是立即有很多泡從杯裡冒出來！

我們做這個實驗是因為它就像禱告，很多時候我們要有耐性，才會看見結果。

就我所領受既，好多時上帝都唔會因為我地祈多D禱就拎走D困難，因為咁做多數只係害左我地多：「橋」埋雙手祈兩野禱就有上帝出手攪掂件事，唔單止縱壞我地繼續自我中心，有事就淨係識得搵上帝，你估我地既上帝係呼之則來揮之則去既咩！與其改變我地既週遭環境，我認識既上帝反而鍾意改變我地對困難既睇法，改變我地回應困難既態度同方法。講到尾，都係後者比前者榮耀神多D，你話係咪？