唔知寫乜好
大女聽日又要交「趣味寫作」，睇下佢今次寫D乜先：
二月二十四日 《不知道》今天，我總是不知道寫甚麼，這個不好，那個又不好。媽媽給我建議，爸爸又給我建議，我還是拿不定主意。於是，我便將這個心情寫下來... 噢！這不就是一篇「趣味寫作」了嗎？
拿！唔係淨係我先諗唔到寫blog寫D乜，原來個女都同我差唔多嗟！
posted by ablogaday @ 9:13 PM
7 comments
Indulge in my days
"So give us knowledge of the number of our days, that we may get a heart of wisdom." ~ Psalm 90:12
Sunday, February 26, 2006
大女聽日又要交「趣味寫作」，睇下佢今次寫D乜先：二月二十四日 《不知道》今天，我總是不知道寫甚麼，這個不好，那個又不好。媽媽給我建議，爸爸又給我建議，我還是拿不定主意。於是，我便將這個心情寫下來... 噢！這不就是一篇「趣味寫作」了嗎？
拿！唔係淨係我先諗唔到寫blog寫D乜，原來個女都同我差唔多嗟！
7 Comments:
好彩你個女係高材生，如果俾著我呢D學生寫篇野話唔知寫乜好，肯定俾老師以為我玩野，嘈餐死o者。我讀小學既時候冇趣味寫作呢家野，只有周記，讀小一時有一篇周記比較深刻，但只係記得第一句︰「星期天爸爸帶我到馬場……」穿晒煲，俾老師知道我o係度作文唔係寫周記。
我建議你個女都開返個blog寫下野，咁咪隨時隨地都有一大堆趣味寫作做backup囉﹗
我有叫過佢開架，不過諗諗下都係唔好，因為等我自己個blog諗唔到寫乜個陣就搵佢D趣味寫作黎攝下期都好，唔駛脫期咁耐呀嘛！
就好似呢日咁，點解搵左個女篇文黎攝期呢？其實我老早寫好左一篇架啦，係有關送一本書俾一位弟兄既，點知佢無返崇拜，唯有暫時收埋，等我真係送左本書俾佢先至post出黎...
今時今日有「趣味寫作」，是否意味著我們以前寫的是「悶蛋寫作」呢？兩者有何分別？
{{ : )
哈﹗原來你個subject係有雙重意思既。
我諗係雙重目的多D...
呢個功課既命名係老師，就已經說明左老師對學生既期望（或者仲包埋評分既準則），亦暗示左Camus兄以前寫既周記真係可能太悶蛋，攪到D老師都頂唔順勒，於是就將一個原本用黎訓練學生記事技巧既「周記」功課，將個目的twist少少，變成娛樂老師自己既方式勒。學生有文可作，老師有文可改，見事又算做左，分別就係佢地改緊個陣唔會咁易「洽眼訓」（Big-5 show唔到個有「目」字邊既「?」字，其實好多廣東字都係咁）...
但係我想問既係：小學生作文既對象唔係小朋友自己而係老師，呢樣野妥唔妥當呢？小朋友認為有趣味同過癮既野，響老師心目中其實又係點呢？
老師的評語來了：
你把這趣味寫作變成沒趣味了！但是不打緊，你把當時的心情都記下來，也算有趣啊！（但請不要篇篇是這樣！：））
嘩，有冇趣味，都好主觀o下喎！
係o羅，點先為之「有趣味」先？
(如果咁問，老師會唔會覺得自己被挑戰呢？ablogaday，不如你去家長日時，幫我問o下?？！)
Post a Comment
<< Home