天氣警報！

唔知係咪近日適逢情人節，以至網上有大量一方面熱情如火、另一方面又肉麻兼骨痺既信息廣泛流傳，數量之多攪到天文台唔知掛乜野出黎至岩，唯有酷熱同寒冷警告同時掛埋出黎。呀！唔知係咪因為咁，呢兩日連響Blogger想post野、upload相、comment人地D messages等等都攪唔掂，server都down埋？（激氣！）如果閣下唔想因為咁熱親或者冷親，奉勸諸位隨時預備適當衣物黎過節啦！

- - - - -

二月十三日《明報》一則新聞：

「美國東北部受暴風雪襲擊，紐約市的降雪量更達到了破紀錄的68.3厘米，受大雪影響，陸空交通嚴重受阻。
　　美國家氣象局工作人員說，截至當地時間下午四時，紐約中央公園地區的降雪量已經達到26.9英寸（68.3厘米），超過了1947年12月26至27日的67.1厘米，創造了紐約市降雪量的新紀錄。」

係咪越黎越似電影《明日之後（The day after tomorrow）》裡面既情節咁呢？

下面呢渣相，分唔分得出邊張係新聞照，邊張係劇照？

紐約曼克頓區勁落大雪...（劇照）

唔好講D車開唔開得郁住，唔剷乾淨條路邊行到車嗟？
（新聞照，版權屬The New York Times所有）

成個紐約都變左雪城...（呢張梗係招牌劇照添啦）

黎一個太空站望返落地球既一個shot，
見到成個北半球都係白濛濛一片，
開始左「新冰河時期」。（套戲到尾出字幕之前既劇照）

- - - - -

又抑或個世界響呢兩日愛心爆膨，再就地球個「溫室效應」催谷多兩野？

同一日《明報》另一則新聞：

「去年八月，被聯合國評為史上最強颶風的『卡特里娜』引發風暴潮，把美國城市新奧爾良淹沒... 風暴潮，全球變暖的『副產品』，隨時可在香港上演。
　　『全球變暖令水平線上升，更易觸發風暴潮。』天文台助理台長楊繼興指出，維多利亞港自 1954年有記錄以來，平均每年水位上升... 較全球水平線每年平均上升... 更快速。他說，當颱風向岸吹，低壓的颱風中部會把膨脹的水面捲起，釀成廣泛水災。
　　世界氣象組織總結去年的氣候現象指出，2005年是有記錄以來第二個最熱的年份，各地亦出現多個旱災、水災和颶風等極端現象。
　　楊繼興分析天文台數據發現... 香港暖化速度比全球平均更快。楊解釋，全球變暖和都市化產生的熱島效應，都會令香港氣溫上升...
　　聯合國資料顯示，九十年代因極端天氣現象造成的全球經濟損失是五十年代的十倍，保險損失亦?升近六倍...」

唉！真係乜都可以拉埋錢黎講個bor！我又諗起《明日之後》裡面既另一段對話：

面對反常既天氣，Dennis Quaid飾演既氣象學家Jack Hall警告副總統話：「Our climate is fragile. The ice caps are disappearing at a dangerous rate.」點知換黎既係副總統咁樣教訓佢：「Dr. Hall, our economy is every bit as fragile as the environment. Perhaps you should keep that in mind before making sensationalist claims.」

天氣變得fragile緊要D、定係經濟變得fragile緊要D，但係駛唔駛顧下另一樣（猶其在今天）更加fragile既野 —— 人的心靈呢？

＊身在異鄉的朋友和弟兄姊妹們，香港的天氣還不錯，不論你們那裡現在的天氣如何，願我的上帝保守你們的身心與靈、並祂的恩典和豐富供應，常與你們同在。阿們！