Thankful & guilty

上次講到戥人地洗禮開心，跟住呢排又有一樣野戥人開心既，就係知到廿年前讀設計既其中兩位同學原來而家想讀或者讀緊神學，準備全時間事奉神！真估唔到神係我地班友中間都laap番幾件歸佢自己，感謝主！睇見佢地年紀同家庭負擔同自己其實差不多，自己聽見，每每都一方面羨慕兼佩服佢地，另一方面又勾番起對神既一份歉意... 唔知十幾年前自己係咪消滅左聖靈既感動，無回應神既呼召，而家人大左、掛慮多左，要回應神就越黎越難，所以特別覺得Rick Warren D問題忠言逆耳！唔怕講你知我覺得最難聽既聖經就係呢段：

「耶穌問西門．彼得：『約翰的兒子西門，你愛我比這些更深嗎？』他回答：『主啊，是的，你知道我愛你。』耶穌說：『你餵養我的小羊。』
　　耶穌第二次又問他：『約翰的兒子西門，你愛我嗎？』他回答：『主啊，是的，你知道我愛你。』耶穌說：『你牧養我的羊。』
　　耶穌第三次問他：『約翰的兒子西門，你愛我嗎？』彼得因為耶穌第三次問他：『你愛我嗎？』就憂愁起來，對耶穌說：『主啊，你是無所不知的，你知道我愛你。』耶穌說：『你餵養我的羊。
　　我實實在在告訴你，你年輕的時候，自己束上腰帶，隨意往來；但到了年老的時候，你要伸出手來，別人要把你綁著，帶你到你不願意去的地方。』」∼約廿一15-18

最難過就係最尾呢句講穿晒我D後悔既諗法！所以假如你後生過我，我俾你既忠告就係要奉獻就趁早！（要生仔生女都係趁早！）唔駛同我講而家都未遲、又或者帶職事奉都可以事奉得好好個挺說話，我頭腦上完全明白...

不過神又真係鬼馬，睇埋落去即刻黎一句：

「如果我要他活到我來的時候，跟你有甚麼關係呢？你只管跟從我吧！」∼約廿一22

即係叫我唔駛人比人。你話神係咪好鬼幽默？

P.S. 順帶一提，未來一個月估計會超忙，恐怕都會好似呢排咁隔幾日先寫一篇（又試履行唔到Mission#1，激氣！）。