十二分對唔住

遲到好過無到，遲到無可再遲既論文卒之寫完，總算鬆一口氣！個word processor話我總共寫左15,756字，拿拿臨send左俾supervisor，希望佢大人有大量，唔好介意我遲左咁多之餘，仲唔駛要我番手改咁多野啦...

今次趕功課，要對好多人講對唔住：

一·對唔住阿爸阿媽，少左打電話俾你地兼無乜返黎食飯睇你地（車！你個衰仔不嬲都要到過時過節先見人架啦！）；

二·對唔住阿老細，自己D野做慢左、返工做野個陣精神差左（好彩今日代你lecture個陣無丟你面，算係咁啦卦！）；

三·對唔住阿舊同事，無時間返黎幫你地睇機，用唔到個Wacom唯有請你用住老鼠先啦；

四·對唔住阿布殊弟兄（唔好誤會，我呢位弟兄唔係叫喬治），你託我做D野又遲啦！次次都係咁，有怪莫怪，OK？

五·對唔住雅各團既弟兄姊妹，無join你地一齊遠足，係咪少少掃興？（好彩，老婆話行到身水身汗bor！）

六·對唔住陳弟兄鄭弟兄同牧師，你地打電話黎都無時間傾多兩句，咪以為我唔想傾bor，查實好想講耐D；

七·對唔住約翰團既弟兄姊妹，無乜出現兼上個星期五無同你地yaak飯，又無同三位當選既慶祝；

八·對唔住兒童崇拜既同工，開夜開到局部失憶兼大女響朝早發高燒，連教主日學都大懵到唔記得，無厘交帶，要你地食雞唔好意思！（我真係好少會咁架！）

九·對唔住兩個女，老豆陪少左同妳地玩，無晒D親子時間（但係我夜晚都有幫妳地睇功課同襟被架 —— 開夜仲多左入佢地房睇佢地有無褲被）；

十·對唔住ablogaday，打亂晒閣下D時間休息，寫blog既時間都無，有無人鬧你又試脫稿先？

十一·對唔住老婆，實太少時間俾妳啦！返工時間電話都無個、返屋企又淨係識對住部電腦寫寫寫、偈都唔見傾多句、兩個女有事又要妳獨力照顧... 但係我最感動既係妳響我趕到天昏地暗既時候，突然送左下面呢盤花比我，好靚！我真係好開心同感動（爭D以為自己唔記得我地呢個特別日子添，原來妳送早左）！不過我唔捨得擺係學校bor，就擺響地下呢度啦咪幾好？

十二·對唔住上帝，多一刻想自己便是少一刻為你作工。然而，我這個對不起這麼多人的一個小子你也接納，謝謝你（寫俾上帝即刻要由廣東話變左書面語...）！

"Grace is getting something that you don't deserve;
and mercy is not getting something that you do deserve."
~ Francis Bacon

Grace同mercy你都給了我，還有誰更值得我投靠？