緊張仔女既家長

婆婆係我上個blog度就我開夜幫兩個女睇功課既問題，除左俾左D comment仲問左個問題，就索性將個reply當係新一日既blog把啦：

上一代既父母多數小學都未讀完，未必有能力幫我地睇功課，就算要睇都好，生活都唔似而家咁，要做既野排到滿晒，時間比較鬆。

不 過我覺得最重要既係，父母知多左其他家長點緊張仔女既讀書問題，知道左驚自己唔花少少精神同時間既話，自己D仔女可能會蝕底，或者響呢個唔健全既教育制 度底下唔夠人爭，攪到自己唔敢怠慢。假設個個學生質素、後天勤力、響學校既表現都差唔多，分別就會係佢響課餘做D乜，同父母俾幾多effort響自己仔女 度啦...

當 大家成績差唔多，老師要俾分或者俾獎、或者唔知為乜要挑選D比較優秀既學生既時候，兩個女成績雖然唔差得過人，但係如果相比 其他同學，做功課有大意做漏 做錯、通告成日唔記得交齊、學校籌款妳父母又無乜捐過錢或者做過義工、又唔識彈下琴或者拉下小提琴、無響乜野比賽lor過獎、叫妳作文寫去完迪士尼既感 受，人人曉講獨係妳兩個女唔曉，妳就自然會驚佢地執輸比人...

無錯，睇功課、溫默書、填通告、捐幾多錢、有無做義工、買幾靚既書包同 鞋、有無補習、學唔學多幾樣樂器、有無參加比賽、有無響麥當當攪過生日會、有無錶 戴、有無去過迪士尼... 全部其實都係可有可無，亦唔存在無俾呢D野佢地就係唔係好老豆既問題。不過當兩個女返左學校，用既野、講既野、做既野、學既野... 個個同學都係上面呢D野好有共鳴既時侯，妳就好驚兩個女會懷疑自己，問自己點解無，阿媽阿爸又點解無做個渣野... 唔係驚佢點諗我，係驚佢點諗自己...

呢D時候，妳就教佢兩個咁話：「乖女，係咁既，我地人生在世，security同significance都唔係建立響上面個渣野度，係響主耶穌既救贖個度...」

婆婆問呢個問題其實好正常，就等於D人懷疑請賓妹係咪一定會遇到個D煩惱，個渣問題我原來全部都問過晒、懷疑過晒、而家就自己受番晒！

所 以我而家完全明白到小一派位個陣，作為家長係咪一定要搵名校俾D仔女。好多時做家長既心態未必會係為左要係名校，而係當妳見到有D學生呢呢啡啡響條街 度，放左學唔返屋企，件恤衫凸晒出黎兼擔住口煙... 咁諗下假如佢地做左自己D仔女既同學又會係點... 妳就會諗點解我唔幫佢搵間有咁好得咁好既學校。我搬左黎中西區五年，起碼都未見過上面個種學生響街上面遊蕩。似乎呢區D學生比較純，讀書風氣比較好。所以 我而家就唔會再問點解D家長要為左D仔女搬去好D既校網區，千辛萬苦甚至要逐間學校拍門話要見校長，搵間好學校俾佢地讀...

駛唔駛呀？駛架。