意大利米蘭之旅（三）早睡早起

年紀雖然大左，但係間唔中開下夜對我黎講都OK，兼且平時慣左零晨兩三點先訓，所以黎到慢香港六個鐘叫Gallarate既米蘭suburb小鎮，晚上十點已經係香港半夜四點，精神仲算OK。不過諗住第二朝要七點起身搭好耐先一班既巴士，無理由放肆唔訓既，所以都係自動自覺早D上床好D。

感謝神，擒晚無咳醒或者打鼻鼾嘈親同事，可以一覺訓到天光...（多謝老婆代禱！）但係就真係到天光而矣！呢度天未光四點半就已經係香港早上十點半，想繼續迫自己訓都訓唔著，磨到五點（香港十一點）決定起身，寫下blog（可能一陣有時間落街巡下影下相都未定）睇下D睡意會唔會返黎...

從宿舍窗口望出去乜view都無，淨係見太陽岩岩升起無耐。（你隻眼無問題，我張相亦唔係low resolution得滯，只不過我係隔住個房蚊既窗紗影呢張相嗟）呢間位於Castellanza叫University Carlo Cattaneo既大學雖然細細地環境都OK，遲D會影多D相放上黎，而家睇住佢個website先啦。

P.S. 剛剛發現寒舍點擊人次過左四萬！