阿Sam與阿輝

「我叫Samantha，教會嘅弟兄姊妹都叫我做阿Sam。坐響最左手邊呢個係我哥哥阿輝，我地都返左教會好耐架啦，係阿爸阿媽帶我地一齊返嘅。
　　以前我地四個人一齊生活真係好開心好幸福，我覺得我可能係全世界最幸福嘅人！可惜... 阿爸阿媽死得早... 之後... 成個世界都好似唔同晒咁！阿哥啱啱中學畢業就要出嚟做嘢（其實我知佢好想讀埋大學架...）。聽講佢個老細好難服侍：佢次次放工返嚟，我都未見過佢點樣笑過嘅... 或者... 應該咁講：阿爸阿媽死咗之後，我其實唔係咁多時間見到阿哥或者同佢傾偈，因為佢要賺多D錢，所以成日都做到好夜先返... 總之，我覺得佢無以前咁錫我啦... 以前就有阿爸阿媽同阿哥錫我，而家... 做乜都各自各，就好似得番我一個咁... 就算響教會，我哋都坐得離行離罅嘅！

我叫做阿輝，最左手邊嗰個就係我。你覺唔覺我影相無乜點笑？我其實每次影相都好似要好努力先笑到出嚟咁，同我以前好唔同... 我唔明神點解要俾阿爸阿媽咁早死，點解唔俾機會我讀埋大學、點解要我咁早出嚟做嘢...
　　我覺得自己響教會，都勉強似個基督徒，但係響外面，都展示唔到信耶穌嗰種喜樂同自由嘅... 唔知阿妹知唔知，我其實好想為神做多D嘢，但係我真係無力囉！而家我連想影張笑得自然D嘅相都好似好難咁...
　　如果神俾我可以返番轉頭，我會返番去阿爸阿媽仲響度嗰陣...」

在你身上，不知能否找到阿Sam或阿輝的影子？自己所背負的擔子或難處已經不輕，但仍要當個委身的信徒，確是不易，為神做多一點都好像是要作很大犧牲似的。然而盼望在這個記念基督受難的日子，我們能再一次反思主耶穌基督的榜樣，醒悟我們所背負的，比起基督根本算不得甚麼，願他成為我們能多走一步的動力。阿們！

※　※　※　※

感謝神的保守，這齣短劇由籌備到演出時間極為緊迫，連一次完整的綵排也沒法完成，幸好在眾弟兄姊妹彼此配搭下總算順利完成，跟整個受苦節崇拜也算是融合得不錯。

特別喜愛歪師師智叔在這幀劇照的表情，洽到好處，很配合劇情須要！和阿Sam兩人的自白也很出色，感動人心，恭喜！深信聖靈必定已透過它向弟兄姊妹說話和工作。榮耀歸神！