華燈初上

屋企唔係全新裝修，而係希望翻修同根治一D暗病，但係或多或少都要趁機俾D新鮮感既，其中一樣就係換新既燈勒！搬返屋企之前正式「燈」場！

入住呢間屋五年黎老婆哦得我最多既就係無買D似樣些少既燈，於是今次響燈上面落多少少本，但係今暈我同老婆唔知做乜好鬼夾，大家同時愛上水晶燈，於是一口氣買左一大一細！當然，我地盞燈既水晶就一定用唔起頂級水晶品牌Swarovski既產品架勒，用奧地利雜嘜既就算啦，價錢平成一半有多wor！睇落好似好豪咁（俾錢個陣似D）...

我諗起迪士尼個套Beauty & the Beast...

點呀？老婆，滿唔滿意呀？定係睇見下面等住要執既大堆野就煩？

右邊呢盞modern D既就放響飯廳，連接客聽同飯廳，用黎補下光既就用左邊呢盞現代感重D既迷你水晶燈。（靜雞雞話你知：原本呢個位我地入伙到而家五年黎，只係齋用一個普通圓形奶膽，懶簡約咁，結果入伙咁耐俾老婆哦足咁耐，話我無認真整靚間屋！）兩盞燈散發出黎既光影都好靚！

仲有兩個女間房同自己睡房既燈都未睇岩...