度度都塞車
好lor！卒之上到美國網站lu！窒下窒下都好過無啦！
睇下東南亞一帶有幾多海底光纖電纜，就可以想像今次地震既影響有幾大...
習慣左暢順，乜都要快，霎時間邊度都搭唔通，搭通都窒下窒下，的確認真唔自在！住響大都會既城市人響一夜之間如果無左電，無左科技，真係唔講得笑，唔知點算！- - - - -
唔單止網絡大塞車，呢排海洋公園都多人到水洩不通！
睇完左海豚表現，細女去到邊都要有番隻海豚響佢頭上邊跳黎跳去...
連返到屋企都要將佢地放響床頭。Labels: 生活
posted by ablogaday @ 7:32 PM
3 comments
3 Comments:
我屋企用緊李澤楷，好多網都仲未上到呀陰公~
過去試過剩係blogger down左server，冇得寫冇得睇都已經周身唔墜財，家下連網都唔係點上到，就真係幾難定。不過好彩近排收倒唔少禮物(因為洗禮)，有屬靈書籍同詩歌既cd，算係俾多左時間我睇書?聽歌同唱歌，分分鐘得既比失既多。
我用緊net.....vigator, 一D都唔叻，9成9外地網都上唔到，最陰公平時收開e-mail的mac.com停止派送郵件。yahoo的郵件同樣停工，netvigator send 出的郵件沒大問題，但收郵件就遊車河，有時遲1日才收到。
今早9時好彩上到mac.com，拿拿聲check郵件，yahoo的e-mail都見到，如果用你們的術語講：真係感謝主
但下午又係毫毛反應.....
用我的術語講：真係神神地
我都發覺響屋企用李... 澤... 楷個網繼續窒窒下，DotMac就通常要晨早先暢順些少，返到office就快得多。
一樓一，我以為用我既術語先至係「神神地」，用你既術語應該係「佛佛地」（呢度「佛」應該讀作「忽」）？哈！無呀，我見你咁有心，年年新年頭都話去昂平咋！（不過去完能夠化解你等唔到吊車D怒氣都叫做有些少功效！）咁年年平安夜你都要黎探我lor播！
仲有，響府上comment唔到，唯有響寒舍呢度回應幾句：
1. 多謝你讚得我咁誇，攪到我好似被捧到上天！其實除左做你既叮噹百寶袋之外，好似係你關照D jobs俾我多過我俾你乜野「無施的幫助」woh！
2. 你話「我又被神疏遠了」，Garfield話上帝唔會離棄人，只會係人撇佢，我贊成佢咁講lor；
3. 多謝你將令郎既感受post出黎，英文寫得唔錯bor！我最開心係見佢自己話明白聖誕既真正意義。聖誕可以用黎浪漫、用黎shopping聚天倫、用黎狂歡捧基仔場... 但係忘記左耶穌既話就頂多只係過左二十份之一二三既聖誕，唔係百份百。
Post a Comment
<< Home