又破財：新打印機
〔按：今日同阿Mie開會，俾佢話我又過左成個月都無寫野... 佢唔出聲我真係唔覺咁耐wor！所以搵D野黎寫吓，撐吓場！由於時間太過急趕，詳細功能介紹就遲D先加埋落去。〕
呢輪特別多額外支出，先前睇完牙，跟住又跌爛個眼鏡要配過副，擒日響屋企想scan吓野點知部四合一printer壞左，做唔到野，加上個女又話有份要印圖既功課要響禮拜一交，更難得既係居然老婆都話快D買過部，咁就順理成章啦！不過今次買機就真係乜功課都無做過，無上網抄reviews、無去格價... 只係去旺角既豐澤同百老滙即場揀就算。
成部80年代最時興既黑色音響咁，呢部Epson既Stylus Office TX600FW同我以前部HP Photosmart 2610一樣，networkable之餘仲結合左列印、複印、掃描同埋傳真（其它既功能就唔係咁多用），係我成家人既好幫手！Labels: 生活
posted by ablogaday @ 2:08 AM
2 comments
2 Comments:
部機外觀好怪雞？幾多個大洋？
我想問部機收fax時會否有電話鈴聲？
1House1
有fax既四合一機無乜選擇，千五蚊。買之前睇過Epson、HP、Canon同Brother。
收發fax同普通fax機無分別。可以set佢幾多下響聲先至自動收，之後就變無聲。不過我平時唔會枕住開著佢，所以無俾佢嘈親既煩惱。
裝左響屋企無耐之後打算問下HP要整部舊機有乜手續，點知佢地話部機已經obsolete，唔再提供維修服務。唔單止咁，當我再插起部機，點知佢又work番！屋企擺唔落兩部printers，唯有帶返office用啦！
Post a Comment
<< Home