痛到嗌救命！

半夜三點幾痛醒，拍粒Panadol，六點幾藥力過後又痛醒，成塊面既三叉神經都傳緊D痛既signals俾個腦：痛呀！痛呀！好痛呀！

唔駛諗可以訓番，唯有起身洗面刷牙（響口腔最裡面痛緊個隻梗係唔刷）。其實都隱隱作痛咁拖左幾日，自己幾肯定唔係蛀牙或者牙周病，諗過係因為自己呢排夜訓，以為係虛火導至周身骨痛（包埋隻牙）都未定（個lan月前都試過一次，訓番早D已經無事），但係經過擒晚就肯定係隻牙...

晨早開著部電腦睇下咁既症狀似係乜... 似係「牙髓炎」...

陪兩個女食左幾粒通心粉，等夠四個鐘又黎多粒特效Panadol，今次坐響梳化在瞌（音「洽」）一陣... 醒下瞌下到老婆出左門口無耐，都係起身洗定個頭等陣去睇醫生...

老婆幫我book左下晝兩點 —— 哎吔！即係仲要捱多幾個鐘！？

睇戲D英雄都係周身傷晒都仲好砌得，好！睇下我痛到周身唔聚才可唔可以寫番篇blog先！

哎吔！救命呀！痛呀∼痛呀∼好痛呀！