初嘗一口狗肉

咪鬧住！咪嘔住！咪暈住！如過我有帶相機影張相過你睇，整好左既狗肉咪又係炆羊肉咁既look！味道對呢個一D都唔係食家身型既我黎講，根本就食唔出分別，你唔講我根本唔知係狗肉添啦！擒晚我試個舊咪好似係一舊特別好味既牛腩咁lor！雖然話去到第二度地方無理由食番香港食開既野，梗要試下local菜咁講，個冷盆狗肉我就唔敢試勒...

長春呢度裝修得極堂煌既狗肉店周街都係，聽聞係韓國人一種好普通既菜式咁話（呢度好多韓國人住）。仲有，佢地食狗肉既方法唔係好似我地細個聽人講咁，淨係響天寒地凍街邊打邊爐咁泡泡下，而係有好多種整法，冷盆熱盆任君選擇，本圖文並茂既menu好似本結婚相簿咁厚（D相仲影得唔錯添！），唔單止天冷或者好似依家入秋開始涼先食，而係天時暑熱都照食，問你服未？

中國人同韓國人食既狗，以黑狗同黃狗居多，好少係上面呢D。

好勒，blog就寫完勒。要鬧就即管寫多幾句黎啦！


P.S. 估唔到第二百篇blog寫埋晒D咁野...