Saturday, December 03, 2005

Graduation

成世人第一次踩上紅館個台,老婆同爸媽坐響山腰低D咁上下既位置同成萬人睇住我,呢張相係老婆影既:左邊數起第二個就係我啦!左邊呢位係讀中文既,右手邊個兩個係讀英文既。兩男兩女代表住設計及語文學院四班Master of Arts課程既學生接受學位,又真係算幾威水!

今次最開心既應該係老豆啦,佢話見我畢業仲開心過班仔女俾錢佢買野食喎!仲話要多謝我老婆云云... 響插針都唔落既PolyU podium個度,佢即刻投訴點解無將班畢業生既名單登出黎(老人家係要見到自己D仔女個名登出黎先至心息),我就拿拿臨將本畢業生名錄遞過俾佢,佢先至好滿意咁揭開搵下自己個仔個名響邊頁... 多謝一家人抽時間黎幫我慶祝,好開心!亦多謝阿媽當晚俾錢請食飯。佢話當初我讀番書佢話過支持,但係最後因為我無問過佢出錢俾學費,所以而家出錢請食飯補番,叫做有份出錢出力咁話!

3 Comments:

At 12/05/2005 05:11:00 PM, Blogger Camus Yu said...

呢排你真係零舍多開心野,做得代表上得台又真係幾犀利,真係見倒都替你開心,恭喜晒﹗

 
At 12/07/2005 11:35:00 AM, Blogger Franky Choi said...

同你一齊上台,倍感興奮!
大學生活有憂有喜,反而增加彼此的認識、深刻的友誼...有很多回憶難以忙懷。
很開心與你分享學術的意見及抱負(這是很少人有興趣的題目),令我獲益良多。
多謝多給我一張入場券,讓我女兒能在現場目睹莊嚴的一刻(這是身教的好機會)。

 
At 12/07/2005 05:22:00 PM, Blogger ablogaday said...

謝謝Camus的祝賀!

Franky,歡迎你也來給我這片天comment一下!BAADE的日子的確難忘!2002年頭起的電郵我還保留至今(今天我剛寫了一個電郵給Terence Lo,多謝他「點醒」我報讀MA。)!這上千多個電郵裡面,最深刻的莫過於「someone」系列(我也將其中一篇放過在這裡)、「罵人前想一想」系列、「靈靈漆、八、狗、同霎」系列吧!畢竟這些文字就是唯一可用來回憶這些片段的媒介吧!當然,還要等待適合的機會把這些電郵結集成一件artifact! 至於入場券,我也不過是借花敬佛吧!

 

Post a Comment

<< Home