December!

又到左十二月! 呢個月對生意佬黎講從來就係忙住搵錢既月份。Lor住「愛」呢個招牌就叫你買呢樣買個樣，用黎學聖誕老人送禮俾人，話係代表住一份愛既心意。「愛」呢個主題真係永遠都work，用黎寫歌詞實掂、用黎拍戲永唔會out、用黎寫blog更加唔駛講。無左「愛」，無論天堂或者人間都變成地獄！無論把口認唔認，「愛」就係每個人最根本需要同最享受付出既野。人生比你有晒任何既成就，無論係事業、名譽、物質、享受、見識、學位... 問你既人生無論幾咁唔平凡，但係如果無左「愛」，人生就好似活死人，每日既生活就不過係行屍走肉一樣，咁閹悶同空虛...

不過唔好誤會，我唔係叫你今個月或者今個聖誕求其攬住個人做男女朋友，而係想叫你響呢個人人都講「愛」既日子，諗下愛既真諦係乜、你一生人搵緊既係乜... 唔返番去愛既源頭既話，你既人生就仍然係響度兜圈晒時間...

今個十二月，今個聖誕，就等我大大聲咁講俾你知：創天造地既上帝曾經成為人既樣式，黎到世界上，好似聖誕老人派禮物咁，將救恩送左俾我地。接受呢份禮物，就可以擁有一個不一樣既豐盛人生，一個無悔既人生。呢份禮物，等緊你lor!

幫教會整左張宣傳聖誕聚會既poster，俾住少少你睇先。想睇下成張係點既樣，actual size既impact係點，就要親自黎望下啦！