A long day

今日又黎做領隊，帶班MBA同Master學生到珠三角考察。今次最agressive: 企圖嚮一日之內到落馬洲睇河套塊地、到東莞既松山湖拜訪一間研究院、到佛山參觀一間設計學校、然後去順德參觀一個設計園。What a packed trip!

Suppose 0600前要起身，點知被老婆拍醒已經係0645！拿拿臨攪掂，好彩無遲到，無嚮學生面前失禮。

去到佛山，個院長要晒冷，係咁show埋哂佢地D最新設備俾我地睇，行程由先前同估計都OK變成嚴重overrun，去到順德比原定時間遲左足足75分鐘！原本想1800開始回程變成1945先開車！

多謝個天眷顧，響五一前一晚由大陸返香港，諗住實會塞車，仲要遲左咁多... 點知個半鐘由順德飛咁快就到左西部通道口岸，返到九龍紅磡不過係2235，再過海到上環醫埋個肚，2345返到屋企，身心疲累！

返到屋企，老婆同兩個女去左親子營，我唔單止可以放五一抖抖，連老公同老豆呢兩個角色都可以放兩日假！