最糟糕的公幹

1. 上個禮拜五晨早五點起身趕過海去中港城搭最早既一班船！

2. 傍晚七點由office返到住處發現MacBook Pro條AC power cable斷左，之後既工作要全程用乾電！完成當晚既工作已經用剩45%！

3. 住既地方部熱水器懷左！十三四度要用凍水沖涼！

4. 臨瞓前打返屋企報到，點知講左一陣就用哂張大陸電話卡既錢！（出發前我以為仲有百幾蚊...）隨之send個SMS俾老婆話佢知...

5. 第二日繼續齋用乾電做野，好慳咁用！揸頸就命！

6. 諗住可以坐五點半船八點鬆D返到尖沙咀，應該仲趕得切響星光行買番個新既power supply；點知老細話要陪埋渣VIPs食埋晚飯，要坐八點半船，唔駛諗買得成啦！

7. 架船返到香港水域，照例聽到部iPhone即刻響，話我知有新既emails同SMSes；老細部電話亦同時響起，係同事代老婆搵... 我！原來老婆根本無收過SMS，擒晚到家陣揾左我成日！

8. 拿拿臨打返屋企，俾老婆話唔淨止，電話筒傳黎老婆側邊既大女兒講：「你攪到媽咪好嬲呀！」

禮拜一早上等D蘋果零售店開門，第一時間買過個新既power supply。