Tab Tab Family

大年初一，一家大細照例返晒阿爸阿媽屋企拜年...

照例拍返張一年一度既全家福...

照例食埋由阿媽一手一腳整既開年飯。由於阿媽年事已高，近年一家人食飯都已經係出外開兩圍食，但係大年初一就依然由阿媽操刀。雖然年年初一都係食呢D餸，但係比起出街食，我都係最鍾意食阿媽煮既飯同整既餸！

我阿媽可能係史上最就得人既家婆，永無make things difficult to D仔同埋孫。例如做節梗係留返正日俾D襯家、同D仔或者新抱唔岩意見梗收埋響個心度，唔會破壞氣氛或者令大家難做。

今年唯一唔係照例既，係我地五兄弟夾份送左部Samsung Galaxy Tab（仲包埋個靚仔monthly plan）俾老豆，延續佢「IT爺爺」既招牌，實行男女老少齊齊tab！

老豆第二日發左個email俾大家咁講：「一年一度我們的最歡樂的春節家叙雖然已經過去，但昨天你們大為破費購給我的名費禮物，非常感謝，同激動！有一個感覺：每一天每一次使用它，便想起昨天的情景，使這個老懐非常安慰，謝謝！」

順祝各位兔年蒙福，恩典兔兔！