又要出trip

唉！九月芬蘭之旅D文同埋相都未攪掂，聽日又要出trip，帶廿個碩士生去上海做research，星期六返。

Check左天氣，家下個度超凍仲落雨，豈不是要用個大喼裝返多D厚衫？

想去上海已經好耐，因為個度有老朋友好弟兄同埋舊老細，想見見面聚一聚。

對上一次去上海已經係2002年，個陣個個月都起碼要去一次，當時係為左要幫公司有份投資出版既刊物做quality control，包括要提升個間合作單位既local設計師做好D設計。有一次仲要去埋隔離蘇州做展覽設計添。

當時對上海既印象幾好：天氣舒服、無大陸feel、有國際大都會既感覺、返工個度D本地設計師又非常好學（無論設計定係用設計同排版軟件，總之你肯教佢地就肯聽肯做）、加埋當時我二哥成家人長駐響度，次次都帶我去D好地方食D好野，所以返工放工一樣唔愁悶。

今次上去，上海呢笪地方肯定更加見得人（連奧巴馬黎中國都要到此一遊先至去北京），我就肯定無以前咁輕鬆啦！要湊住廿個學生做功課，天寒地凍加埋落雨濕濕... 仲有，就係無得上Blogger，無辦法即日update大家...