Reply to a sister-in-Christ

上個月覆了一個這樣的電郵給一位主內的姊妹，給大家分享：

> 當人認為魔鬼一定奸，天使一定忠的時候有沒有想過，魔鬼界裡面可能有天使，正如天使界裡面可能有魔鬼。從小我們便被灌輸每件事不應該只看表面。任何事都有兩個角度，為何我們只會看一個。

呢個係典型「後現代」對事物既睇法：樣樣野都企圖話無絕對、樣樣野都係相對、樣樣野都係睇你點睇；上天堂可以睇成好悶蛋、落地獄反而更過癮；你最信得過既 人轉過頭可以出賣你、你既死敵又話唔定有朝一日會同你走埋一齊... 我淨係想話個世界雖然係咁，但係我地要點樣睇呢個世界，唔係由個世界既情況黎定，係我地自己可以揀既！雖然我最信得過既人轉過頭可以出賣自己，但我偏偏揀信佢，你又吹咩？耶穌起初揀猶大做門徒咪係咁囉！神就係偏偏叫我地要愛仇敵、俾人打完左便面就俾埋右便佢打（太五38-41，路六27-36）... 呢D就係魔鬼諗唔到同做唔到既野喇，上帝勁就勁係呢度！

> 如果魔鬼知道自己變了做天使又或者天使察覺自己變成魔鬼。真想知他們會否感到害怕。

點解如果魔鬼知道自己變了做天使會感到害怕？Darth Vader在最後一刻脫離了dark side of the Force，還告訴Luke Skywalker是他救了自己。 如果魔鬼可以變番做天使，就證明牠裡面仲有良知，所以變番做天使應該開心，唔係害怕！我地淨係由好變壞先至會害怕，邊有人會驚自己由壞變好？因為由好變壞往往係一個不由自主既決定，但係由壞變好就都係一個經由自由意志既選擇。後現代既年青人好多時都鍾意將自己放係一個被動既位置，唔記得自己係任何事上其實都有選擇權，呢樣野係上帝俾人其中一樣最寶貴既禮物。

如果天使因察覺自己變成魔鬼而變得害怕就理所當然。不過係上帝裡面，「正」就「正」在有祈禱認罪求赦免呢回事，而且永遠有效，你話「正」唔「正」？上帝呢招高唔高？

> 我在想天使會不會有決定錯誤的時候

會又點？都係個句：係上帝裡面「正」就「正」在有祈禱認罪求赦免呢回事，而且永遠有效?

> 又假如幫我們選擇的是天使界裡面其中一隻魔鬼，結果會如何。

無乜出奇。上帝好多時都會將計就計架啦！你睇下《創世記》裡面約瑟俾佢D兄弟出賣既經歷，到頭來佢自己話成件事係成就左神拯救佢全家既計劃。魔鬼想整鬼約伯，點知佢同神既關係就更加好（伯四十二1-6）。上帝幾時都高魔鬼不知幾多皮！

> 對於重要決定，我們會考慮會掙扎會擔心自己的選擇是錯是對。做了錯誤的決定，有人會後悔，有人會試圖補救，有人會逃避，有人會怨天尤人。還是想老套地說一 句，既然凡事有兩面，假設決定是錯，能否當給自己一個考驗再去面對。無論選擇逃避或後悔甚至繼續錯下去，只會令自己更加泥足深陷。

全部都唔岩！點解要自己攬晒D煩惱同內疚上身唧？應該向神禱告認罪求赦免呀嗎，死蠢！

> 魔鬼的存在是訓練我們抵受引誘，

都唔岩，千祈唔好咁諗！魔鬼引誘我地既時候佢自己都無諗過話要訓練我地架嗎，點解要將佢既詭計講成對我地有好處？都係個句囉，要小心呢?「後現代」對事物既睇法：樣樣野都企圖話無絕對、樣樣野都係相對、樣樣野都係睇你點睇?

> 我相信心魔也有其善良的時候。

諗下寫呢句?個人知唔知自己寫緊乜?